الحريبي ينفض اللحية ويطوي في معمه المغترة 1405 هـ …
قال مطلق:-
الحريبي ينفض اللحية ويطوي في معمه
طار عقلـه من شليويـح المطيري والزلامي
البعير اللي يشيل الحمل عود يرضع امه
بعد قالـوا شامخ النيبـان مردوم السنامـي
صياف :ـ
الحريبي يوم غنى حطكم في راس كمـه
ثم خلاكـم عجينـه كن مافيكـم عظامـي
الجمل يمشي عل الدرب وكلامك ما يهمه
من هديـره قمت من نومك وحرمت المنامي
مطلق :ـ
الزمان اللي ستـر حالك وحالي لاتذمـه
والحرم من دونه المسعـى وبيبان السلامي
انت داب كل ما حرك شدوقه سال سمـه
والله انا مانـذوق السم يا لداب التهامــي
صياف :ـ
انت ذيب تكره البارود لو انك تشمــه
ما تحب النور الابيض ما تحب الا الظلامي
الطعام اللي ليا شفته على صدرك تضمه
لا تقول انه حـلال ولا تقول انـه حرامـي
مطلق :ـ
علموا صياف لايتبع خفيف الظل عمـه
دام انـا وياه فالمذهـب وفالطرقـه ليامـي
قله انا ما نبااللي بننا نقال نمـــــه
بعد عـود بيعـة بين القبايـل ما يسامــي
صياف :ـ
انت اشوفك كل ما تسرح تضوي لك مطمه
تحسد المسلم على دينه ليا صلى وصامي
لا يزعلك الكلام اللي عسى ربي يتمــه
ثم بـده مستريـح بلا شـراب ولا طعامي
مطلق :ـ
كل شي في طريقك يابيض الشارب تخمه
لين ضيعت الفشـق والبندقيه والحزامــي
ان نثرت القش ياصياف ماتقدر تلمه
وان قربت من العرب ميسمك جوف النار حامي
صياف :ـ
لو بيتـركلـك على باب الخزينه رحت يمه
وأن نظرلك نظرة حمراء تعديت النظامي
المسافر ما يطب البحر ليـن أنه يطمــه
يذكر الله في بلد مكـه ويلبس له حرامـي
مطلق :ـ
أنت مانته مستشار ولا أنت ريس مجلس أمه
أنت غصن الحنظله مالك زهور ولا نوامي
جيت عند الحسو ضامي مير ماللحسو جمه
ماخبل اللي يحسب ان الحسو يروي كل ضامي
صياف :ـ
لو يحطوك العرب ريس قضاء مافيك ذمه
يوم تضحك لي بسن ويوم تزعل من كلامي
لاتنـزلك الدروب العوج وأنت براس قمـه
ثم لو أتمـوت ماقلنـا لعلـه للـرحامـي
مطلق :ـ
والله انك تعرف النقاش صواغ الازمـه
هات ياصياف خشمك كان تبغي له زمامـي
ما أخبل اللي يرسلونك يالحريبي في مهمه
وأنت في رجلك سلاسل وأنت في راسك خطامي
صياف :ـ
ثوبك الابيض تغير يوم طولت الاكمـه
مير ليتك تصبغه بالسـدر وعروق البشامــي