سلام ردية ٍ من هاجسي تنصى الرفيق الصدوق
مطلق الثبيتي
سلام ردية ٍ من هاجسي تنصى الرفيق الصدوق
اللـي لياواعـد العـراف يحضـر فــي مواعيـدهـا.
بينـي وبينـك مشاكـل حلهـا قــدام لــزم الحـلـوق
اخـاف نجـهـل مــع الجـهـال يامسـتـور نزيـدهـا.
مستور العصيمي
يامرحبـا ياهـلا حييـت يـاراع الحصـان السبـوق
أنـا مـع اللـي كمـاك اصـدق ووردهـا مواريدهـا.
ماني براعي مشاكـل مارلاتزهـق ولانـي زهـوق
اللي مضت وان قضت يابن حميد ليش ترديدها.
مطلق الثبيتي
ماني حريص ٍ على شقر العصـا مابيـن برقـا وروق
اتـجـوع شـهـب الـذيـاب ولاتعـشـا مــن عجاريـدهـا.
خلك سوات الذهب صافي وانا اشجعك في كل سوق
والنـاس مايحمـل الـضـدات عنـهـا غـيـر اجاويـدهـا.
مستور العصيمي
شقر العصا مانباها خل عنك مخيلين البروق
والقاله الوافيه ياجب على الرجال تمجيدهـا.
لاتقطعون الحبال الوارده وإنّا عليكـم حقـوق
ماقول غيرالعلوم اللي علـي اليـوم توكيدهـا.
مطلق الثبيتي
لاتستمع في مهندسة السوالف وارفع الراس فوق
مـحــد ٍ يـلــوم الـرجــال الا ليـاطـاعـت مقـاريـدهـا.
جعل المطر يسقي الشجره ويبتل الورق والعـروق
اللـي عليـنـا تـمـد اظلالـهـا وإن نــام فــي حيـدهـا.
مستور العصيمي
وليابغيت الصراحه ودنا نقطع يميـن السـروق
حتى نربي بها اللي تلتفت بالعيـن فـي سيدهـا.
ولياصفـت نيـة الرجـال مابينـي وبيـنـه فــروق
اثني له الروح بالطيّب واحط الرجل في قيدها.