ابتعبك ياصياف وارتاح يامستور . . .
مطلق الثبيتي:
ابتعبك ياصياف وارتاح يامستور
بهز الحريبي لين يهتز ميزانه
ولا أبغاه يبقى ضابطاً فأول الطابور
وميدان فيه الحرب ماهو ميدانه
صياف الحربي:
ولا ياعذابك يالثبيتي سنه واشهور
لاكن الدهر يضرب براسه وكرعانه
أشوفك تغني فا المسارح وأنا مقهور
ياليت المغني في يدي واقطع السانه
مطلق الثبيتي:
الي بيرق عالي وطول الدهر منصور
وانا ماشريت البندق الا على شانه
ليا شفت لي واحد عوج صِنعت الباكور
اخليه يجلس مع حريمه ورعانه
صياف الحربي:
انا عارف انك تحمل البندق المعمور
ولاكن اليا هاحين يطلبك ديانه
ترانا ليا جينا الجبل ماتطير طيور
مغار الطوير الي يرفرف بجنحانه
مطلق الثبيتي:
أخليه في الميناء واسافر على البابور
ابو عكة ماهي من السمن مليانه
يدور الفلك لين الليالي عليك اتدور
ويطلع عليك الفارس بشلفاه واحصانه
صياف الحربي:
على نيتك تمشي يامنهي ويامامور
ويالطرقي العجلان الايام عجلانه
انا عارف انك عقرب مده الطنقورتدور
على على المسلم تبى مسكة السانه
مطلق الثبيتي:
عسى الله يقطع شوفة الذيب ابو حنجور
عيونه لها مده من الدمع غرقانه
لياليك ماهي كلهنه فرح وسرور
تدور اليالي فوق ضينك ورعيانه
صياف الحربي:
لو انك غريب ابلا وطن قلت لك ماجور
لاكنك سعودي عند ورده وريحانه
الا ياكثر ما تهرج الناس ظلم وزور
يسبون في ا لتاجر علشان دكانه