صياف ناوي يسافر

قيل لي صياف ناوي يسافر للقمر

قيل لي صياف ناوي يسافر للقمر …

 

مطلق الثبيتي:

قيل لي صياف ناوي يسافر للقمر

والسفينه جاهزه واستلم مفتاحها

ياعسى ولياه يلقى في سطحه بحر

ثم نسلم من حروب البحر وصياحها

 

صيّاف السحيمي:
لو اسافر للقمر جبت من فوقه خبر

وانت في طيارةٍ مايطير جناحها

انت لن طبيت ديرة تخليها دهر

خل حرب تدق راسك بكل سلاحها

 

مطلق الثبيتي:
نعرف ان العود شايب ومنحي الظهر

مار من حوله رجال طوال ارماحها

لاتسوق الباخره ياعمى مدري عور

البحور الهايجه تعبّت سبّاحها

 

صيّاف السحيمي:
يوم شفت العود في السوق لديت النظر

تحسبه في الجنه اللي تفوح ارياحها

لو تركت الباخره حولتبك في خطر

ما انا باسرح للايام مع مسراحها

 

مطلق الثبيتي:
لاتدرّق في شليويح ولا في صقر

والهنوف اللي يهز الهوا مطواحها

انت مصري كل ربعك تراهم في مصر

ماانت دكتور الجريحه ولا جراحها

 

صيّاف السحيمي:

قوم طالع فالسماء لين ينزل لك مطر

ثم بكره شارك اهل الفرح بافراحها

عمك اللي يبري الجرح روح من عصر

وابتلش في صخرةٍ عن طريقك زاحها

 

مطلق الثبيتي:
عمك اللي كان مسلم ولكنه كفر

لو صلى له صلاة قليل ارباحها

هضبةٍ في وسطها يابس الغصن الخضر

كيف ناكل من عنبها ومن تفاحها

 

صيّاف السحيمي:
والله اني كنت اداري على زيد وعمر

لـو بنـت ابليـس ماولعـت مصباحـهـا

لـو فـي يمنـاك لقمـه تسدبهـا النـحـر

كان يمدي الباخره ماصحهـا ملاحهـا

ياسلام الله عليكم بعد طول الغيبة ..   مطلق الثبيتي:

ابو مشعاب

مرحبا يا صحابنا العتبان في الليل المهني ..    عوض

أحمد الناصر

عيني تحب أصحابها والله يلوم اللي يلوم ..   أحمد

محمد ابن تويم

يا الله من نوٍّ يجينا لا بروق ولا رعد ..

زيد العضيلة

مطلق الثبيتي : ياسلام الله على الحضار في حفل الدويش

سعد المعنا

اِنتحَى اللّيلِ واقفَنّ النّجوم ..   سعد المعنا : اِنتحَى