براق المخيله

ادخل مختصر القصيدة

ياسلام الله عليكم عد براق المخيله ..

 

صياف الحربي:
ياسلام الله عليكم عد براق المخيله
مثل براق المخيله يوم تاتي من بحرها
يا عساكم للمعزه والسعد في كل ليله
يا هل الدار الشريفه بالشرف نسمع خبرها

 

مطلق الثبيتي:
مرحبا بالشاعر اللي يوم اجيه يلز خيله
والعيون اللي تهوس ان جيتها يطول سهرها
والله انك شيخ يا صياف تحكم لك قبيله
وانت تحما وجهها لكن ما تحما ظهرها

 

صياف الحربي:
ما نجنب عنك لو السيل جنب عن مسيله
مير طالع في سماك اضنها ينزل مطرها
لو حكمت اربع قبايل وحده جتني بحيله
وان بغيت احما قفاها صبح تعطيني ظهرها

 

مطلق الثبيتي:
العما ولا العور ولا العرج ما ينغزيله
والحروب اللي ورا الحره قنعنا من ديرها
انت ما دينت لين أروحت دخان الفتيله
صكة الظلما عليك وكيف يطلع لك قمرها

 

صياف الحربي:
اكثر العربان يرميله بكلمه مستحيله
ويتلمس لحية المسلم وينتف من شعرها
فالحجاز ازهمك واشرلك بيمناي الطويله
وان وصلنا نجد تنزل وسط حفره من حفرها

 

مطلق الثبيتي:
اجتمعتو يالهنود وكل هندي جا بفيله
الجبال النايفه ماحدن يطلع عسرها
النميمه ما تبا تفرق خليلن عن خليله
والعيون الدعج نكحلها ولا نلطم نظرها

 

صياف الحربي:
اجتمعنا ليلة الجمعه وليلتها فضيله
ثم عمرنا قصورٍ قبلنا محد(ن) عمرها
انت عقب الهيل الاخضر ذوق طعم الزنجبيله
لو تنوش الارض بالرجلين ما ينشاف اثرها

 

مطلق الثبيتي:
صاحبي صياف لا يزمر وانا عارف حصيله
نص قرش وربع قرش وعملتٍ مافتش صررها
والبعير اللي يقود القافله ماهو دليله
كل ما شاف الحواجز تعترض قدمه طمرها

 

صياف الحربي:
الثبيتي يعرف اللي فالمعاند يرتكيله
مير قولوه يدل ثبيت لا يعمي بصرها
اترك المكيال لا تقلط على الحب وتكيله
طير في طيارت(ن) تقلع ولا ينزل كفرها

 

مطلق الثبيتي:
اعرف الشيطان من وجهه قبل يومي شليله
يوشي الفتنه ولكن غاب عنها ما حضرها
واليتيم اللي كسبنا تركته منته وكيله
انت راع الحره اللي حرها يشوي شجرها

 

صياف الحربي:
كل واحد له زميل ولو يجنب عن زميله
والجنازه قبل يحفر قبرها محدن قبرها
انت تعرفنا ليا قمنا مواطينا ثقيله
والحروب اهل الجمايل كل من جاها شكرها

 

مطلق الثبيتي:
اجتمعتو وافترقتو عقب ماصارت ذبيله
الصبيه ما تبا الا واحد(ن) يدفع مهرها
عارفين الثور يلي تمدحه بنته حسيله
والزيود اللي ورا بيسان ما نشري بقرها

 

صياف الحربي:
خلنا نعرف حروف اكتابنا بهون وسيله
وانت روح اقرا بكتبن كل من جاها نشرها
ياكريم(ن) ما تمد الا على الناس بخيله
والبخيل اليا لزم يمناك فضل ماكسرها

 

مطلق الثبيتي:
انت ياصياف بالله روح عن ناقة كليله
كل ما نجبر عصانا حضك الاقشر شقرها
يشرب الضامي من البحر الاحمر ما أروا غليله
وان عطوه الناس ليمونه على جرحه عصرها

صياف الحربي:
لو خليتك واكلت الذيب اخاف أمن الفشيله
يقطع الله زملت اللي عودة تنبش وبرها
لو اسويبك جماله منت داري بالجميله
وجه شر وكل ديره قمت تقلب من حجرها

 

مطلق الثبيتي:
مقشر اللي يعترض له واحد(ن) عابر سبيله
لين جاته حذفت(ن) ما ضن يسلم من خطرها
لو تزيل اجبال حضن اطويق ما تقدر تزيله
كم واحد غيركم بعض المكاسب قد خسرها

شلوييح المطيري

يا شليويح المطيري صرت مثل السّوسه ..   مطلق الثبيتي:

طلق الهذيلي

مرحبا في مرحبا باللي حضرنا من قبايل …   الثبيتي:

أحمد الناصر

طول الله عمر من شرف الحفل الكبير  ..   مطلق

محمد ابن تويم

يا الله من نوٍّ يجينا لا بروق ولا رعد ..

رشيد الزلامي

محاورة بين الشاعرين مطلق الثبيتي  والشاعر رشيد الزلامي . يرحمهم

رشيد الزلامي

محاورة بين الشاعرين مطلق الثبيتي  و رشيد الزلامي .. الزلامي: