سلام الله سلامن باول المشوار نبدي به ..
صياف الحربي:
سلام الله سلامن باول المشوار نبدي به
على من يرفع الرايه ويركزها ويحماها
انا اشوف الثبيتي قام يطلع لي مخاليبه
احط اله الحدود المستقيمه وايتعداها
مطلق الثبيتي:
هلا يامرحبا والضيف في حكمة معازيبه
عدد وبل السحابه يوم هلت وانتثر ماها
تبي تعلج وتعرش والسنون البيض تركيبه
تعشاك الذياب اللي تبي بكرة تعشاها
صياف الحربي:
نزلنا وسط سوق نبيع به ساعه ونشري به
ومن يبغا العلوم الطيبه يتعب ويلقاها
انا اعرف الصديق اللي يودي العلم ويجيبه
ورجالن يقابلنا بنصف الكف ماابغاها
مطلق الثبيتي:
معي سيفن يسلي خاطري واعرف مضاريبه
لكن ام الكباير سرع ماقصيت علباها
نبي برقن نسير مع دهاليزه ونسري به
ولو فيها العقارب والحيايا السود ناطاها
صياف الحربي:
تراك اتعبت عود الخيزران اللي تومي به
وغيرك من يجيب الخيزرانه ثم وطاها
انا لاشفت لي مجنون ابا اقطع عراقيبه
ولا اخليه يرثع فالاوادم ويتحداها
مطلق الثبيتي:
يبي يرجع ولد تالي زمانه عود للشيبه
ويبري كتب وجهك بالمصاحف لين تقراها
ابو زيد الهلالي لا تهمه حرب وعتيبه
معه رمحه وفرسانه نهار الغب ينخاها
