أكثر العربان

ادخل مختصر القصيدة

 

صياف:
أكثر العربان يلزمها وكنّه ما لزمها
ثم راح من الزعل يمشي ويقطع ردونه

انت مثل العقرب اللي تخلَع الناس ابوحمها
مار جاها قارٍي شاطر دهنها من دهونه

 

الثبيتي:
ما عليه من عجوزك كان ما ضوَّت غنمها
وان زعل صياف جعل اللي وراه يحول دونه

أمس يبني عشته فالضلع واليوم يهدمها
والهبايب ما تهبَّه والطَّراقي ما يجونه

 

صياف:
الله أنه يَنصر السنَّه ويظلم من ظلمها
والعرب ما يطحنون الحب لين ايفتّشونه

لو تشوف العشَّه اللي صاحب الخبره حزمها
فوق ضلعٍ كل ما طاح المطر تثمر غصونه

 

الثبيتي:
الإشارة فآخر الشارع بصدَّامه صدمها
بالونيت اللي قديم وكل يوم يوظّبونه

المنايا يا وسيع العرف ما يخطي سَهمَها
مار خلك صالح النيه وعمّك لا تخونه

 

صياف:
القلوب العمي خل الذيب يأكل من شحمها
والونيت اللي يسوقه صاحبه لا تقربونه

ليت بقعاء تلمس الرمضا وتأكل من قدمها
وانت يا بوراس راسك ما تغيّر عن متونه

 

الثبيتي:
العيون اللي تهل أدموعها منهو لطمها
لو عرفته كان خليت الجماعة يحبسونه
المطيّه يوم ريَّض مشيَها محد نَهَمهَا
لو نَهَمها كان تأصل مطرحٍ ماتاصلونه

سعد المعنا

يا سلامَ الله سلامٍ وتقفاهَ السّلامه ..   مطلق :

ابن جرشان

عد همال السحاب اللي تحن رعوده ..   مطلق الثبيتي:

عبدالله الميزاني

يا قصر المرسلاتَ اليومِ صِكّ الباب ..   مطلق الثبيتي

صياف

ابافزع وأطب المعركة عقب قر الهوش ..   مطلق الثبيتي

سعد بن جدلان

    مطلق الثبيتي : يا مرحـبا يـَ الاكلِـبي وَالعِـلمِ

محمد ابن تويم

يا الله من نوٍّ يجينا لا بروق ولا رعد ..