شيخٍ يكرم اللافين

محاورة بين الشاعرين مطلق الثبيتي -يرحمه الله- وصياف الحربي يرحمه الله –  في حفل  المغترة صاحب السمو الملكي الأمير فيصل بن خالد بن عبد العزيز.

هلا يا مرحبا في دار شيخٍ يكرم اللافين ..

 

الثبيتي:
هلا يا مرحبا في دار شيخٍ يكرم اللافين
عسى ربي يعزه كل ما دارن الأيامي

أنا أشوف الحريبي كل ما غنَّى يصر العين
مرار يلدَّها يم اليمن ومرار للشامي

 

صياف:
لعل ابك البقا والعلم مثل السيف ابو حدين
وانا لا جيت أحوّل فالبحر ولياك قدامي
أنا أشوف الثبيتي كل ليلة يِطلع السكين
ويخفيها ليا مني قعدت أفتش حزامي

الثبيتي:
ألا يا سرع ما هوَّنت يا راكان أبو حثلين
بعدما ازريت تِطلع دلوك اللي يروي الظامي

ترانا يا المنافق ما نحب الرجل أبو وجهين
يصلي بالجماعة مير ياكل مال الأيتامي

 

صياف:
ألا يا سرع ماشفتك مقفي راكز الساقين
وشرّك فالليال المقبلة من عمّك العامي

من أول يا الثبيتي بالحجاز تحط لك ردين
وهالحينة تسمّيني منافق بين الاسلامي

 

الثبيتي:
تشيل الحب في خرجك ولكنّه يروح اطحين
ليا دُرنا رحاةٍ فوق حبّك شغلها حامي

أنا ما سمع كلامك لو تحط الواحدة ثنتين
كما أنك موترٍ في مقدمه عشرين صدامي

 

صياف:
ليا منَّا قفلنا الباب من دونك تروح منين
بضاعة والبضاعة بايرة ما عاد تنسامي

عطيناك النصيحة وانت لا جاهل ولا مسكين
عليك الهون واخذ البندقية وانطح الرامي

 

الثبيتي:
دخيلك لا تورينا قرون الظبي ابو قرنين
وراس الظبي يا صياف دايم جلد واعظامي
بعد رحنا وقفينا علامك تتبع المقفين
كسف لون الجمل من تبعنا واحفيت الأقدامي

 

صياف:
نصرنا اللي نصر عبده محمد في بدر وحنين
ومن باع النصيحة ما نحط براسه اخطامي

تحسب إن الأوادم يا الثبيتي كلّهم غاوين
ومن يمشي على جرّتك لا صلى ولا صامي

 

الثبيتي:
علومك من عصور التُرك وأيَّام الشريف حسين
كما ضين الشواوي مالها قانون وانظامي

دخيلك ردَّها يم البداوة والمعز والضين
ولا يا شين بين أصحابنا شيلك للاقلامي

 

صياف:
من أول في ديركم درب واليومه لها دربين
بغينا نقطع ارزاقك لكن الحظ ما قامي

ليا منَّا نظرنا يمكم حتى الحجار تلين
عسى ربي يعز اللي بظلّه قلبك اينامي

 

الثبيتي:
غدا صياف عن دربي ولا شاف الطريق (منين)
ثقل دمه وحط الشيخ في علباه محجامي

حصاة ارزاح ندحَمها عن العقَّال بالمتنين
ولا يا زينها لو كان ننفسها بالالغامي

 

صياف:
لا تقرب للحصاة اللي تهدّم لك بيوت الطين
أبو عرام يربط عمّته ويروح عرَّامي
تبعتك نصف ساعة وان عندك علم ما هو زين
تبا لك من رجاجيل الحروب جهاد وزيامي

 

الثبيتي:
لك الله لو فصخت عن الجنوب الثوب أبو جيبين
لتلقى الدود في جوف الجيوب وبين الأكمامي

أنا خابرك يا صيَّاف تعلجها على اللحيين
هاذيك اللقمة اللي ما عليها دهن وايدامي

الثبيتي:
لك الله ما تطب الحرب لو انحط لك درعين
لياشفت التباسي صاب خشمك شر واعرامي

سعد بن جدلان

ياسلام الله سلام كل منهاج يدله ..   سعد بن

صياف

طوّل الله عمر شيخ البلد نور الكويت .. مطلق الثبيتي

صياف

  سلامي رِدّيّه لها قلبُ ولسان .. صياف الحربي :

ناصر المري

    مطلق الثبيتي: سلام الله سلامٍ كما السكر على

حبيب العازمي

سلام يا للي يسلي شوفهم في كل الايام ..  

ابو مشعاب

ازرع الطيب والمعروف بينك وبيني ..   الثبيتي: ازرع الطيب