قيل ابن هذال

محاورة بين الشاعرين مطلق الثبيتي -يرحمه الله- وخلف بن هذال في أمسيات المغترة

محاورة بين الشاعرين مطلق الثبيتي -يرحمه الله- وخلف بن هذال في أمسيات المغترة بحضور صاحب السمو الملكي الأمير فيصل بن خالد -يحفظه الله

 

مطلق الثبيتي:
ودي أحمل بعير الناس حمله والوساقة
قبل بن هذال لا يبني على الأصنام قبَّه
بلْ راسه لين في راسه تعلمنا الحلاقة
واحدٍ ما هو بداري نمدحه ولَّا نسبّه

 

خلف بن هذال:
انت ودك بس ما تقدر لها ما فيك طاقه
الجمل من دونه الجمَّال يسعى تحت ربّه
ابك انا ماني بيا مطلق لكم قطَّاع ساقه
كل جراحٍ عندنا طبّه وعندك ويش طبه

 

الثبيتي:
جيت اروز الظبي وليَنّ الظبي يا خفّ ساقه
قرنه اعوج مير ساقه يا العتيبي فيه صبه
والله انك ما تحصل لك مع الضلع انطراقه
ريعنا مسدود والجمر الحمر قدمك نشبه

 

خلف:
الظبي لا طاح ذيب وراضعٍ من ديس ناقه
بالمخادع والحياله يدخلك في جوف عبه
ريعكم مفتوح والسارق يدور له سراقه
وان عطيت البحر اعدّل بك على عشرين غبه

 

الثبيتي:
يا خلف عدّل رفيقك لا تغلطه الحماقة
درّسه كُتب البخاري لين يعرف دين ربه
انفتح في جدركم يا اصحابنا عشرين طاقة
لا تقولون الهبايب في وطنَّا ما تهبه

 

خلف:
كيف اعدّل عود محني له مقاضيبٍ دقاقه
وصلٍ اصله من غصونه نقطةٍ سوداء وحبه
دارنا محفوظ ما نرمي على سطحه علاقه
محتمينه بأم خمس ويشهد الله ما تطبه

 

الثبيتي:
واحد عيَّا يفارقني وانا باغي فراقه
كيف ابى أشري له عباة وبشت وثيابٍ وجبّه
العراقي ما يعيش بخير لو فارق عراقه
مار رُدّه في بلاده واكرهه مثلي وحبه

 

خلف:
كان في جيبك فلوس وتعشق الفزعه عشاقه
لبّسه من لبسك اللي تلبسه واحذر تسبه
صدر مطلق خابره ضيّق وأضيّق له خناقه
قاضبه قضب العمى شاته واكبه كيف اكبه

 

الثبيتي:
جيت ابى أداوي الجروح ولا لكم في الطب فاقه
لوّ اخيط الجرح فيكم ينفتح من عقب غبه
لو حمست البن فا المحماس دوّخني حراقه
كل بنٍ ينحرق عند النشاما ما نصبه

 

خلف:
الجروح الها على الجرَّاح لفته واصطفاقه
يا طبيب القوم جبت الأكسجين بدون دبه
روَّح التاكسي على فاله ومطلق من غلاقه
من ثقل مطلق عليه يطب ما حس بمطبه

صياف

مرحبا فـَ المَـحَـلّ اللّي تِـنَـومِـس رِجاله ..   مطلق الثبيتي:

خلف بن هذال

محاورة بين الشاعرين مطلق الثبيتي -يرحمه الله- والشاعر خلف بن

مستور العصيمي

ولا يا العصيمي قوم مال الجمل ميقاف ..   مطلق

خلف بن هذال

سلامي سلامٍ لَلثّبيتي مِثِل نقدَ الفلوس ..   خلف بن

مستور العصيمي

سلامَ الله سلامٍ يرفعَ الرّاس ..   مطلق الثبيتي :

هلال السيالي

يا مرحبا ترحيبة وافيه ينشط بها الضيف ..   مطلق