يا خلف بالله ذكّرنا

محاورة بين الشاعرين الثبيتي -يرحمه الله- وخلف بن هذال

محاورة بين الشاعرين الثبيتي -يرحمه الله- وخلف بن هذال في حضور صاحب السمو الملكي الأمير فيصل بن خالد وكان المبتدئ الثبيتي بقوله:

 

مطلق الثبيتي:

يا خلف بالله ذكّرنا ترى حنا نسينا
والوعد مثل الرعد ما واحدٍ ينسى حتونه
عام الأول يوم جيتونا مع الفزعة وجينا
ما لقينا زاد والم ما لقينا الا صحونه

 

خلف بن هذال:
ويش اذكّر ويش أقول ولا عليك ولا علينا
كل ما ورَّدت عندك علم علم يحول دونه
والله انا من علومك يا ثبيتي ما درينا
والفقير اليا حداه الجوع ما تمرح عيونه

 

الثبيتي:
غيَّبوا عنَّا الرحاه اللي تدش النا الطحينا
والذَّهب والماس غالي والعرب ما يطحنونه
من سوالفكم تراكم تدخلون الشك فينا
لين حتى الراس أبو نوماس برَّق في متونه

 

خلف:
ما نغيّبها وهي في مصلحتنا من يدينا
آلة في دبرة الديَّان وتخلص ديونه
لا تميل يسار خل البوصلة تشّر يمينا
كان راسك صلب صكَّات الدَّهر تكسر قرونه

 

الثبيتي:
غلطةٍ منا وصارت يوم طعنا ما عصينا
مير لا ترضى علينا يا العتيبي بالمهونة
أحسب أن سهيل يبدي يوم في ركبه سرينا
مير نشَّرتوا مشالحكم عليه وتحجبونه

 

خلف:
غلطتك عندي لها مخبا وفي حرزٍ مكينا
والعتيبي لو تخلى من عتابه ما نخونه
مثل نجم سهيل نجم با اوسط الانجم يبينا
وان وصفت سهيل لونه وان وصفت الجدي لونه

 

الثبيتي:
ان بغيتونا ترى مقدارنا سمن وسمينا
لا تجينا بالطعام اللي فَهَم ما ياكلونه
انت عالم ما تَعلَّم وانت لك قلب فطينا
من بنى بيته على درب العرب لازم يجونه

 

خلف:
هاك مقدارك من الأقدار شبر وقفلتينا
ملحه الذايب على راحات الايدي يسحنونه
من تذوق مسّنا يعيش عمره ما نسينا
تاكل السوسه ضروسه قبل ما تاكل سنونه

 

الثبيتي:
يا جملنا يا جملنا قمت تقرع بالحنينا
والبعير اللي يميّل حملته ماني زبونه
لا تحوص عن الدعاوي يوم جينا وادَّعينا
واعرف المعروف ولَّا الناس غيرك يعرفونه

 

خلف:
الجمل عينه وراك يشيل حملك مرتينا
وان رغيت ابرك وانا قدمك جمل ما ابغى معونه
والدعاوى لو تبيع بسوقها حنا شرينا
بس عفريتك ثلاث سنين ميتةٍ جنونه

 

الثبيتي:
الله اللي سدنا عنكم ورحنا واغتنينا
أمُّكم دايم بشر وعودكم يعكز بشونه

هلال السيالي

سلامي يا سيوفٍ في صليب العظم بتَّاعه ..   الثبيتي:

صياف

يا مرحبا في حِلّة اهلَ الوفا والمجد والطّيب ..  

مستور العصيمي

سلام يالساحل الشرقي سلامٍ جديد ..   مطلق الثبيتي: سلام

فيصل الرياحي

يا مرحبا في حلة في ذراها يامن الضيف ..  

هلال السيالي

يا مرحبا ترحيبة وافيه ينشط بها الضيف ..   مطلق

صياف

  صياف: أكثر العربان يلزمها وكنّه ما لزمها ثم راح