محاورة بين الشاعرين مطلق الثبيتي و رشيد الزلامي ..
الزلامي:
الثبيتي علينا له زمانين ضايق
شايفٍ ضيقته لكنّ ما اعرف سببها
ودي ابحث معه حتى تبين الحقايق
واعرف المشكلة وش راسها من ذنبها
الثبيتي:
يا الزلامي تهرج دامت الجوّ رايق
واشعل النار حتى تشتعل في حطبها
لو تعد الثواني لو تعد الدقايق
ما انت كاسب رضاها ما انت جايب طلبها
الزلامي:
ما تجي ماشيه فالخط من غير سايق
مير من حدّها فوق الرصيف وقلبها
حِلّها يا احمر العينين باحدى الطرائق
زال ما ضاقت الديرة وطشوا عربها
الثبيتي:
حسبي الله على رجلٍ يشب الحرايق
لين جات المطافي للحرايق من ابها
ما لقيت الصكوك ولا لقيت الوثايق
كل ما قلت هيدي قام يكثر نشبها
الزلامي:
لا تِفَرّح علينا كل ذيبٍ موايق
ثم تطمع بنا الضّبعة وتفتل شنبها
يوم عدَّيتها عشرين والها لحايق
المهنَّا فعلها والقبوري كتبها
الثبيتي:
مع رجال الجميلة ما قطعت العلايق
مير به حيَّةٍ تنفخ على من قربها
أدفن البير في طيَّاتها لا تهايق
والنصائب يجي من تحتها اللي نصبها
…
