بنوك اليمامة

محاورة بين الشاعر مطلق الثبيتي  والشاعر مستور العصيمي -يرحمهم الله-

محاورة بين الشاعر مطلق الثبيتي  والشاعر مستور العصيمي -يرحمهم الله-

 

الثبيتي:
يا العصيمي معاشك من بنوك اليمامة
أما أنا من بنوك الله يجيني معاشي
جبت ستين شيخ وكل شيخ بعلامة
جعلهم عند نوٍّ بارقة في المناشي

مستور:
أنت رزقك تجيبه من جحلَّط تهامة
مزنةٍ من مطرها ما لحقنا رشاشي
اطلب الله يا مطلق في طريق السلامة
ما انت قاطع نصيب ولا انت خادم بلاشي

 

الثبيتي:
ان زعلنا قشعنا من عليك العمامة
ثمّ يضحك على قصتك راكب وماشي
راحوا اللي من الفرسان تجلى الملامة
ما بقى الَّا جمل يعرج وبكرة وحاشي

 

مستور:
لن قشعت العمامة شفت علم الندامة
ما يجي ضاوٍي للنار غير الفراشي
لا تزعَّم لها وان شفت راع الزعامة
لا يطول الجدال ولا يطول النقاشي

 

الثبيتي:
أنت ليلٍ علينا قام يكبر ظلامه
دوب جاء فالقبيلة هزةٍ وارتعاشي
يا العصيمي على راسك تقوم القيامة
صرت ظبيٍ كبير ولا براسه عراشي

 

مستور:
ما نبا العلم معكم ضحكةٍ وابتسامة
اسمع العلم واجلس فوق حيد الفراشي
يا ثبيتي تراك أنشبتها في عدامة
لا تَنوَّش علومٍ مقفية ما تناشي

 

الثبيتي:
كنت قصرٍ نماري به ونرفع مقامه
والعشيَّة نشوف القصر مثل العشاشي
الجمل ما يروح وفي يديه خطامه
وان تعصوى عليه راح ساقه دشاشي

 

صياف

الليلة يا كثر جمر النار ..   صياف الحربي: الليلة

شلوييح المطيري

لحالي في طواريف القصيم وفي حلال مطير ..   مطلق

صياف

سلام الله سلامن باول المشوار نبدي به ..   صياف

مستور العصيمي

وين العصيمي بعد راحت لفرك الخشوم .. مطلق الثبيتي: وين

محمد ابن تويم

أقفلوا بيبان صنعاء واقفلوا باب الحديده ..   الثبيتي: أقفلوا

شلوييح المطيري

مرحبا يا الشّاعر اللّي غِبتِ عنّا ..   مطلق الثبيتي