حزم القماع

محاورة بين الشاعرين مطلق الثبيتي  ومستور العصيمي -يرحمهم الله-

محاورة بين الشاعرين مطلق الثبيتي  ومستور العصيمي -يرحمهم الله-

 

مطلق الثبيتي:
وش بعد عنا يا رياجيل السعد حزم القماع
البرق في منشاه والديرة تروع حزومها
أحدٍ يطاع أمره واحد يامر وينهى ما يطاع
واللي تطيع المقدية ما لومها ما لومها

 

مستور العصيمي:
ما هو بعيدٍ عنك يا مطلق حوال امية ذراع
لكن علَّم للعرب حمض الرجال علومها
اتعبتنا واتعبت روحك ليش طوَّلت النزاع
الخطَّة اللي حطَّها جدك تعرف رسومها

 

الثبيتي:
حزم القماع اللي يقولونه مرابي للسباع
ما هو مرابي للقرود اللي طوال خشومها
جدي ليا منه شرى يشري وعند البيع باع
ما كل سلعة تعترض جوف الحراج يسومها

مستور:
ما حلّ فيه الا السباع وجنّبت عنه الضباع
والمدح منَّا للرجال اللي تسد لزومها
جدّك تقولنَّه شرى باع الثنية والرباع
لكن فوق القوم حدْ القوم يا مقدومها

 

الثبيتي:
اليا تعشى ضابط الطابور وجنوده جياع
يجيه مقسومه وجنده واجهت مقسومها
اليا لقيت الديس يا مستور كثَّرت الرضاع
كن الليال اللي مضت لك من سنتك تصومها

 

مستور:
واثّر سفينة نوح ما تمشي البحور بلا شراع
حسبتها خِلقت على السبع البحور تعومها
اخيل لي برق ورعد واشوفلي مثل البقاع
وأخاف سيله ياخذ بلاد تربه وبقومها

 

الثبيتي:
الشمس حميت يا أبيض الشارب على زبدك وماع
ادهن به أرموش العيون اللي كثيرٍ نومها
قيل ان الأعرج ما يحطُّونه هجوم ولا دفاع
يحبي على خط العدا حتى تثور لغومها

 

مستور:
يا للي تدور الفوايد ضاع راس المال ضاع
والخاينه ما قلت تكره بنتها وترومها
الأعرج اللي تذكره طقّك بعرقوب الكراع
روحه على بعض المعاني ما تِقَلّ عزومها

 

حبيب العازمي

الا يا حبيب قوم والملعبة صفين ..   مطلق الثبيتي:

رشيد الزلامي

محاورة بين الشاعرين مطلق الثبيتي  والشاعر رشيد الزلامي . يرحمهم

رشيد الزلامي

من ضمير الرّضى مرحبا بالضّيوف ..   مطلق الثبيتي: من

جارالله السواط

وش بالحصيني يحوّص قِدمنا فالطّريق .. مطلق الثبيتي: وش بالحصيني

مستور العصيمي

محاورة بين الشاعر مطلق الثبيتي  والشاعر مستور العصيمي -يرحمهم الله-

سعد المعنا

يا سلامَ الله سلامٍ وتقفاهَ السّلامه ..   مطلق :