جبال هذيل

محاورة بين الشاعرين مطلق الثبيتي  ومستور العصيمي -يرحمهم الله-

 

 

الثبيتي:
ابا اسريِّ العصيمي لين يصبح في جبال هذيل
كتبله رب الدرب العسير وقلةِّ الراحة
وابا اعطيبه كرا ماني بمعطيبه طريق السيل
كرا فيه الرجال اللي تشيل زنود قدَّاحه

 

مستور:
أخاف انك تبا تغوى ليا غابت نجوم الليل
لكن احسن تعود عن كرا وتروح للباحة
ولا يا صاحي الافكار قيَّس عدلها والميل
وقفلٍ في ضميرك ما يفكّه غير مفتاحه

 

الثبيتي:
نجوم الصيف هلَّت مار وين البن وين الهيل
واخاف الجرح يكبر ما يجيله ناس جرَّاحه
ثلاث سنين ساري يالعتيبي في سواد الليل
لكن اصحى وقوم وكب نومٍ فوق طرَّاحه

مستور:
يمرُّن الليال السود واسبق من سباق الخيل
ومطلق رايحٍ مع درب مدري وين مرواحه
ترى هاذي مواعيد الفرج ياللي توفي الكيل
وجاء لك فالعرب يا ذيب حذَّافه ومدَّاحه

 

الثبيتي:
انا ما ابغاك تغدي يالعتيبي بين قال وقيل
اباك تلقّم الطير الخضر خَوخه وتفاحه
عساك تغيب عن دار العرب يا نجم يا بوذيل
ليا وايقت فوق الناس كلٍ لجّْ بصياحه

 

مستور:
تمدّ الجود بالماجود لا تبخل ولانت بخيل
ولكنّ الجبل ما ينّطح يا روس نطَّاحه
ولا يا مطلق الليله ترى فالعلم عدل وميل
وأخاف ذياب ابن غانم نبا نرميه بسلاحه

 

الثبيتي:
نباك تروح للظهران وتملّى مية برميل
ولن ما جبتها جعلك تطيح وتكبر الطاحه
تحرَّك من مكانك يا جبل يا حَدّ ياحلحيل
وترضى عنك بعض الناس والسيّد وصلَّاحه

 

مستور:
ليا حلَّلت علمك يا عميلي هيّن التحليل
غروبٍ تحفظ الماء مار بعض غروب نضَّاحه
وانا ما نمت ساعة وانت نومك مثل نوم الفيل
ليا منّه صحي من نومته هاضت له اقراحه

 

الثبيتي:
دموع اهل الهوى عيَّت تمسَّحها مية منديل
وانا ازعل يوم اشوف عيونهم بالدمع فوَّاحه
سلاحي في يديّ ولو دخل بين البيوت ادخِيل
حَمَيته لين يعرف وين أهلْه وكيف مسراحه

 

مستور:
على مَدّ النظر شفنا جبل ورقان بالدربيل
وشفت الطير يا مطلق بعيني ينهض جناحه

مستور العصيمي
فيصل الرياحي

يا سلامي على أهل الطيب وأهل الجميله ..   الرياحي:

أحمد الناصر

عيني تحب أصحابها والله يلوم اللي يلوم ..   أحمد

صياف

ياسلام الله عليكم عد براق المخيله ..   صياف الحربي:

فيصل الرياحي

والعلوم طوال و اللي مضى واللي بقى ..   الرياحي:

شبيب الدقباسي

مرحبا بالثبيتي يا هلا وهلّا بمستور ..   شبيب الدغباسي: