في حلال مطير

محاورة بين الشاعر مطلق الثبيتي والشاعر شليويح المطيري يرحمهم الله 

لحالي في طواريف القصيم وفي حلال مطير ..

 

مطلق الثبيتي:
لحالي في طواريف القصيم وفي حلال مطير
ولا يا الله بصفٍ من شبابه يشرح البالي
شليويح المطيري مع جنوبه شفت شر وخير
وشال الخير عن عمي وحط الشر مع خالي

 

شليويح المطيري:
مرادك عنصَره ولَّا تبا تدهن جنوب السير
تفرق ف العرب وانته من أول عندهم غالي
شليويح المطيري لو قسم لك من جناح الطير
تبا تحكم على العربان وانت ف حكمة الوالي

 

الثبيتي:
لقيتك تدفع العربان يا المدفاع أبو جنزير
تباهم ينزلون بطرشهم يمَّ الخلا الخالي
أنا خابرك رجلٍ يعرف الفضة من القصدير
حصل فيكم خلل يا أهل السهل والا يورّالي

 

المطيري:
حديثك يا البخاري عند ربعك ما يبا تفسير
لكن ارسالتك يلعب بها عشرين مرسالي
ترى راع المخطط عارف الأفوات والتمتير
وحنا بالسهل ونبدّل المنزل بمنزالي

 

الثبيتي:
أنا شاره عليك وشرهة الشاعر حمول بعير
ليا أوحيتك تغني تطري الشرهة على بالي
تضيَّرها وتحلبها ولا تمسح جنوب الضّير
وخضَّيت السقا وقت الشقا من ودّها الحالي

 

المطيري:
أنا ماني مريض تقرّب الجرَّاح والتخدير
أنا دكتورها حلَّالها للعقد حلالي
بعد صرَّيتها بالكيس حنطة جيتني بشعير
لكنك لا تخلي دلونا يصفق على الجالي

 

الثبيتي:
وفيك أم الكبائر مالها رايٍ ولا تدبير
ولاكن البلا من ولدها شيَّال الأثقالي
ويا ليتك تنزل قشَّنا من فوق ظهر العير
أنا اشريلك جمل وتروح تبرا كل جمَّالي

 

المطيري:
بعد ما زفلت الشارع تبا الترصيف والتشجير
تبا تلعب على كيفك وتصرف كل الأموالي
زهابك فوق ظهر حصان يمسيبك جبال النير
ليا منك شربت المر تعرف تشرب الحالي

 

الثبيتي:
أنا اعمرها ليا ربي عمرها والجمال تسير
وانوَّخها واحمَّلها على حشمة وتشتالي
وانا خابرك لو حسيت بالغيرة عليه تغير
لو انه ما عطاك من الدلال الصبح فنجالي

 

المطيري:
ألا يا طير ودَّك بالمطير ولا قويت تطير
بعد طلعت عليك الشمس عشّك ما به ظلالي
ترى شقرا ليا ميزتها تقرب شعيب سدير
تبا ودك تبعدها وانا عدَّيت الاميالي

 

الثبيتي:
تريَّح جوف قرية وازرع البرسيم والجرجير
وعذرّ فالرياض ولا تعرَّض بعض الاحوالي
لك الله يا شلويح المطيري (غير واضح) ابن شقير
(غير واضح) وله على الرجال رجالي

 

المطيري:
زرعنا ثم حصدنا من زراعة فوق جال البير
وانا ماني سواتك عيشتك من كل فوالي
انا صالح وفالح والفلاحة كلها تقدير
يبدَّل واحدٍ وسط البلد ما هو بشغالي

 

ملفي المورقي

سيري يا رجل مع ممشاك والطرقة طويلة ..   الثبيتي:

حبيب العازمي

سلام تسليم الرضا والسلامة …   مطلق الثبيتي: سلام تسليم

صياف

علموا صياف يجمع قشة يركب الطيارة   مطلق الثبيتي: علموا

ناصر المري

    مطلق الثبيتي: سلام الله سلامٍ كما السكر على

طلق الهذيلي

مرحبا في مرحبا باللي حضرنا من قبايل …   الثبيتي:

جارالله السواط

عسى وقت الطَّرب دايم علينا كل عام يعود ..