ردية وفاء

محاورة بين الشاعر مطلق الثبيتي والشاعر شليويح المطيري يرحمهم الله ..

سلام ردية وفاء ناخذ بها مدٍ ورد ..

 

المطيري:
سلام ردية وفاء ناخذ بها مدٍ ورد
واضن مطلق صاحبي ياقف لها ويردَّها
أتعبتني يا صاحبي ما بين بني وبين هد
أما اعمر البنيان يا رجَّال ولا هدها

 

الثبيتي:
يا مرحبا بك في نهار السبت قدام الأحد
ياللي بعارينك على درب السباع تحدَّها
ميَّعت سمنك من صلاة الصبح لكنّه جمد
وادهن لك ألشوشه من الزبده عساك تكدَّها

 

المطيري:
الك البقا يانو ياللي ما تهلّ الا البَرَد
الله يزيّنها على كيفي وتعرف ضدَّها
وإن كان عندك علم ما يصلح لنا خلّه بعد
والشاذليه من يمينك للمسيّر مدَّها

 

الثبيتي:
يا بو لهب ما وصلك الا راس حبلٍ من مسد
والطاقة اللي تدخل الهبان فوقك سدَّها
حنا نحفر القبر للغلطان ونجيب اللحد
واللي تغر من الطريق الزين نعرف جدَّها

 

المطيري:
كم واحدٍ يترع من النعمة ومن بكره جحد
وليا شبع من سفرة الأجواد بيح سدها
كل المزون اللي على راسك تزلزل بالرعد
هلّت مطرها فوق راسك وانت راسك قدَّها

 

الثبيتي:
بالله لا تكحل عيونك يا عساها بالرمد
ترى عيونك كلها ما الله عطاني ودَّها
نبا ندربي فالحصا حتى نسد الدرب سد
لكن نخول للحمول الجايره واشتدها

 

المطيري:
احذر تقولون المطيري عن لزومه قد شرد
سوّيت مثل اللي جاعت تعض بخدَّها
من حضك اللي يا الثبيتي مل ما ياقف قعد
اليا نطحك الذيب عينه ما قدرت تصدَّها

 

الثبيتي:
أم الكباير ما لها فالناس جوز ولا ولد
واليا شرهنا فوقها نزعل ونصفق خدها
ياللي على درب الثبيتي لا تحد السيف حد
بيشه وراك اليا بغيت التمر روح ومدها

 

المطيري:
ضيَّقت ميدان الحرم والحبل ما ساع أنعقد
وام الكباير يا وسيع العرف عندك عدّها
يا الربع قولوا لأحمد الناصر يناظر في حمد
اطلق رسنها فالرياض ولا قدر يرتدها

 

الثبيتي:
اليا زعل من ماش أبو مطلق يخرب له بلد
وليا زعل من شي ما داوى الكبود وضدَّها
لا تجلب الخدر التهامي عندنا ما له عمد
ودَّ الخدور البرق عنّا يا المطيري ودَّها

 

شليوح:
أثر الثبيتي كل ما يمدح من العالم فسد
وأثر البلاء فالعشه الي كان رابض سدَّها
لو الشريعه تعرف الفجار ما واحد شهد
يا الله لا تجزي اليدين قصيف مدّها

 

الثبيتي:
الك ثمان سنين وأكثر وانت طفلٍ في مهد
وان شفت رضّاعه تصيح وباليدين تشدَّها

 

خلف بن هذال

محاورة بين الشاعرين الثبيتي -يرحمه الله- وخلف بن هذال في

سالم الداوي

هلا يا مرحبا بضيوفنا و ربوعنا الغالين ..   الداوي:

شلوييح المطيري

سلام الله على من جابنا ذكره ومرسوله ..   الثبيتي:

ملفي المورقي

سلام بردةٍ تبدي بها الروقة على برقا ..   المورقي:

صياف

مرحبا ترحيبة ينشط لها القلب المعَنَى ..   مطلق: مرحبا

رشيد الزلامي

محاورة بين الشاعرين مطلق الثبيتي  والشاعر رشيد الزلامي . يرحمهم