عيني تحب أصحابها والله يلوم اللي يلوم ..
أحمد الناصر:
عيني تحب أصحابها والله يلوم اللي يلوم
بجماد والا في رجب عيني تحب أصحابها
يا اللي تحل انشابها عطنا الخبر واخذ العلوم
وانت الزعيم المنتخب يا اللي تحل انشابها
مطلق الثبيتي:
لا يختلف مضرابها بين الشلاوى والبقوم
حتى نلبّسها الذهب لا يختلف مضرابها
اليا حسبت حسابها حظك ليا شاء الله يقوم
لا بد توفي بالطلب اليا حسبت حسابها
الناصر:
الخيل وش ركابها كان اقبلت قومٍ لقوم
والطير يدعى فا السبب والخيل وش ركابها
اهل البلد واجنابها ياللي تعرفون السلوم
أحدٍ صدق واحدٍ كذب يا اهل البلد واجنابها
الثبيتي:
يا اللي تهز انصابها عينك لك الله ما تنوم
النار شبّت فا الحطب يا اللي تهز انصابها
ظلما ولا يسرى بها غابت بها كل النجوم
يا اللي مسري لك عرب ظلما ولا يسرى بها
الناصر:
بعض الدير واشعابها يمطر سماها كل يوم
ولا بها غير الخشب بعض الدير واشعابها
ضاعت وربي جابها بين المخابي والكموم
وأقول لله العجب ضاعت وربي جابها
الثبيتي:
يا نعمةٍ فلَّا بها طيرٍ مع الغبشة يحوم
يحبي على روس الركب يا نعمةٍ فلا بها
ضدَّتك ما نرضى بها في برد والا في سموم
يا كحل مخلوطٍ بشب ضدَّتك ما نرضى بها
الناصر:
انته تراك اسبابها لعل ستر الله يدوم
واللّحم خير من العصب وانته تراك اسبابها
راع العصا عيَّا بها يفطر على العز ويصوم
جنّب مطوّعة الصعب راع العصا عيا بها
الثبيتي:
حيه تحد انيابها والها جهد والها عزوم
مار انتبه يا بو لهب حية تحد انيابها
بعد افتحت لي بابها ماني مقصر فا الللزوم
واضحك واغنّي من طرب بعد افتحت لي بابها
أحمد الناصر:
يا سترها وحجابها بايام هازم ومهزوم
لا تِلحق الجاهل عتب يا سترها وحجابها
شفت اللحى واشنابها على النشامى والرخوم
ما عيشه إلا في تعب شفت اللحى واشنابها
الثبيتي:
يا صقرها وعقابها راحت لفركات الخشوم
وايق بها ريع النشب يا صقرها وعقابها
…
