الرجال الصيرفية

محاورة بين الشاعر مطلق الثبيتي والشاعر أحمد الناصر يرحمهم الله …

سلامي على آل سعود واللي حضر من كل نية ..

الناصر:
سلامي على آل سعود واللي حضر من كل نية
عدد ما تهب الشرق والغرب وتهب الشمالي

تغيبت يا مطلق لك أيام والدنيا فضية
وانا عنك اسايل واتنشد اليا حل المجالي

 

الثبيتي:
هلا مرحبا ترحيبةٍ بالرجال الصيرفية
عداد النجوم وعد ما بان بالعرش الهلالي
أنا كيف أشوفك وأنت دونك رجال بوارديه
اليا جيت جرد مشلحي بينهم وأخذوا عقالي

 

الناصر:
يقولون مطلق صار له بالبلد روحه وجيه
يسير لعبد الله وانا عن حوالي ما يسالي
وانا اشره على الأصحاب شرهه كبر قاره طميه
وهو لو يوصي لي نصيته لو أنه ما عنا لي

 

الثبيتي:
محل الكريم اللي يعزك وله مذرا وفيَّه
تزوره وانا أزوره ولو كان دونه فج خالي
لكن الخويَّ اللي يبا العدل لا يظلم خويه
ترى الظلم ما تشتاله الا الكبار من الجمالي

 

الناصر:
يقولن سافرتوا ها الأيام قدام الضحية
ورا ما خذيتوني على الجنب يا الخصم الموالي
أنا طول عمري بعد ما شفت نور اسكندرية
يقولون واديها من السيل قدم الوسم سالي

 

الثبيتي:
أنا ما أقبل الزحمة ولو كان جو فالجودرية
طريقك لحالك يا عميلي وانا دربي لحالي
وانا جيتهم طرقي مسافر على وسق المطية
وشٍي طرالك يا وسيع البنايد ما طرالي

 

الناصر:
ترى الرفقة اللي ما تسر الرفيق أمجاملية
سوات الظلال اللي مرده من الشمس الزوالي
الا واهني اللي يخاوي الطراقي واهنيه
تسلي وكلٍ عارفين الحرام من الحلالي

 

الثبيتي:
تقوله تقوله وانت شيخ النحل جوف الخلية
ولا تاكل إلا يا كبير الثنادي عسل حالي

محمد الجبرتي

بابور ابو دقلين سافر بما فيه ..   محمد الجبرتي:

صياف

يضحك الحربي وانا ابكي من همومي كل لليلة ..  

صياف

سلامي رِدّيّه سِواتَ الزّهُور ..   مطلق : سلامي رِدّيّه

عبدالله الميزاني

يا قصر المرسلاتَ اليومِ صِكّ الباب ..   مطلق الثبيتي

شلوييح المطيري

يا شليويح المطيري صرت مثل السّوسه ..   مطلق الثبيتي:

فيصل الرياحي

يا مرحبا في حلة في ذراها يامن الضيف ..