علم الجهال لاتحسب الدنيا عروس ..
مطلق الثبيتي:
أصلحي يالملعبة وانطحي ياروس روس
واحمد الناصر قشع غترته عن قلته
انقد المعنى واجيبه واعز به النفوس
مير بعض الناس ماني بدامح زلته
احمد الناصر :
النصيحة تنشرى يالثبيتي بالفلوس
والخوارج كل واحد عرفنا ملته
انت وش علمك تحوس السواليف وتدوس
وطاسة الماء لو تجي مشلجك ما بلته
مطلق :
انت راقد بالمكيف وانا تحت الشموس
يشكي المرضان مانته بعارف علته
مالك الا بعدها راس رمح وحد موس
والثبيتي من مكانه همومه جلته
الناصر:
لا تدير الاسطوانه على علي العيدروس
كل عين من القهر كم دمع هلته
البحر ما يدخله رجل حتى انه يقوس
والضعيف ان ذل تعرف بعينه ذلته
الثبيتي:
علم الجهال لاتحسب الدنيا عروس
كم صبيٍ يوم زانت بعينه خلته .
كلكم ياربعنا لا وقوف ولا جلوس
تنقلون السيف ما اقشر سلته
الناصر:
يالثبيتي لو يجينا نهار به عبوس
كان الاريا عند بعض العرب ما دلته
ياوسيع المعرفة كل وقت له لبوس
لا تطيح بواحد ماتعرف شكلته
الثبيتي:
كيف تبغى يثمر الغصن وعروقه يبوس
والسواني واقفة والحبال مفلّته
ياحمد الناصر بعد مادخل فالحب سوس
ندفن المقهاة والكيف نكفي دلته.
الناصر:
ينفقع بطن الضعيف ان رضع خمسة ديوس
والليلي تلها والليالي تلته
كل واحد بالخلا كنه الذيب الفروس
والوجار ان جيت حوله تحرث ملته
مطلق:
تحسب ان الطيب ركب الكدالك والجموس
والضعيفة منشرح ثوبها ما شلته
الرضاعة خلها خلها عند التيوس
واما انا الي يالريجيل عامر حلته
الناصر:
كم ضرس يالثبيتي لقينا في سوس
انت قلبكك هالليالي معذب ومحسوس
والنصارى فرضها فاتها ما صلته
..