ازرع الطيب والمعروف بينك وبيني ..
الثبيتي:
ازرع الطيب والمعروف بينك وبيني
وانت تعرف غرض قلبي وغاية رجايه
وانتبه يكسر المشعاب عيد الحسيني
ثم تضحك على السلمان ضلعان سايه
عوض الله:
الصداقة لمثلك فوق راسي وعيني
فيكم الطيب والمعروف غاية منايه
عيد يا شاعر العتبان اعده يميني
وانت تعرف يميني ما تكسر عصايه
الثبيتي:
انت من كثر طيبك سجدةٍ في جبيني
ضحكت أرضي على (غير واضح) سمايه
مير ماني بجايك وانتبه لا تجيني
وانت رجلٍ فهيم ولا يبالك وصايه
عوض الله:
حيَّرتني علومك لوّ قلبي ذهيني
لا اقدر أروح قدامي ولا ارجع ورايه
مير لن جيت يا مطلق لقيت السميني
وان بغيتك نصيتك ما تقيّد خطايه
الثبيتي:
ارفع الهم عنك وكل قاسي يليني
ما بقى غير تعرف سرعتي من بطايه
انت عجلان والعجلان ما يحتريني
يقطع الدرب كله قبل أشرّك حذايه
عوض الله:
ما عليَّه هموم الله لا يبتليني
وانت معروف من مبداك حتى النهاية
عجلتي ما تغيرني عن أمور ديني
وان تريَّضت أخاف يضيق بعض أصدقايه
…