مرحبا يا صحابنا العتبان في الليل المهني ..
عوض الله:
مرحبا يا صحابنا العتبان في الليل المهني
ليل يحكم فيه خندف ما حكم فيها شبابي
والثبيتي صار له مدة يفكر ما يغني
والطيور تطير وتوقع وشيخ ثبيت ثابي
الثبيتي:
مرحبا با بن الملوك التي ترد الضدعني
عد وبل الغيث وقت الصيف من غر السحابي
انت وشبك شايل المشعاب دايم ومتعنّي
وان رفعت الصوت فوقك كان شقيت الثيابي
عوض الله:
صاحبي مطلق ما يدري لو درى عني قتلني
مار انا ما ني مفكّر به درابي ما درابي
نوب زول ونوب هول ونوب وجهه وجه جني
والعصيمي لو عدابه (غير واضح) الله عدابي
الثبيتي:
الذباب اللي تحرَّك والبعوض اللي يزني
ما لها غير الفليت اللي مسوَّى للذبابي
انت صالح وانت فالح وانت حبك ممتحني
وانته اللي جيتني بالتمر وتشيل الجرابي
عوض الله:
يا زعيم ثبيت هذي منك قبل تجيك مني
ما يتوب بليس عن ممشاه لوَّ الراس شابي
السحيمي لو يفزع مع عتابه كان اكلني
يالله اسلمني من السحمان لا تنهش ثيابي
الثبيتي:
انت ما تقدر تضر الناس في خرصي وظني
وأما انا لو جيت سايه كان اخليها خرابي
ما تجيك الا السلامة لا تجض ولاتوني
لا تذل من الحضور ولا تحرى للغيابي
عوض الله:
يا كحيل انته على بعض العرب دايم تحني
(غير واضح) ما علينا من نغيقك يالغرابي
كل ما جيناك وانّك في (غير واضح) يدني
(غير واضح) الخطا ما هي على درب الصوابي
الثبيتي:
اترك الحنا ترى ما يصلح الرجل متحني
يا الحصان اللي تشيل الخدر وتشيل العيابي
ليتني ما جيت بالمحماس لين احرقت بني
عند رجلٍ فا العرب ما هو نبي ولا صحابي
عوض الله:
ودنا نمزح على مطلق وبعض المزح فني
والحصان اللي تقوله في غبابك عن غبابي
يا حصان ثبيت ياللي حملتك عشرين طني
وإن سرحت الصبح لا تمسي بها الا في الروابي
الثبيتي:
لا تذكّرني وأنا ظليت داله ومتهني
انت راقد واما أنا همي على كيفه سرى بي
…