صاحبي مطلق منوَّل من خيار اصحابي ..
عوض الله:
صاحبي مطلق منوَّل من خيار اصحابي
مار تالي الوقت غنا مع بني عبد الله
ما حسبت انه صديق يستثير اعصابي
وان لقي فرصة على بشتى يبا يشتلّه
الثبيتي:
والله اني ما اكتسي باثياب غير ثيابي
وانت تعرفني ويعرفني زمانك كله
لا (غير واضح) راس نابك يا حديد النابي
انت ضيف من الضيوف وعند راع الحله
عوض الله:
يا عتيبي مع عتيبه دوّر المشعابي
واحضره لن ما لقيته وان لقيته خله
في بلدكم ضاع لي شايب من الشيابي
والله اعلم منهو اللي يا ثبيت احتله
الثبيتي:
واحد توخذ عصاه اقفل عليه البابي
وان رفع راسه يبا يونس شباة السلَّه
راح مشعابك ما بين الباب والمحرابي
يوم في ديرتك تخبطبه غصون البلَّة
عوض الله:
يعلم الله ما حسبنا فالعرب نهابي
والسبايب كلبوها منك مار ارسله
راح مشعابي ما بين الباب والبوابي
من يسويله عمل لا بد ما يعملّه
الثبيتي:
افهقوا عنا شوي ونحظر الغيابي
يا عسى منهم يجي رجال ماله ملَّه
عندنا عشرين شيباني وشيخ ذيابي
والطلب في قرصك اللي عند حيد المله
عوض الله:
وش يعديكم على اللي سد قفل وبابي
وش يعديكم عليه يدينكم تدخله
كلهم منكم وفيكم يا ابيض الاشنابي
والمكلَّف بالطلب يلزم عليه يحله
الثبيتي:
انت مشعابك بحكم الشرع مثل الدابي
يذبحه منهو لقيه (غير واضح) بسم الله
واشكل الظنه يقطر فوقه المرزابي
يوم لقيته ثعول المزنه المنهله
عوض الله:
يا ثبيتي لا تزيد تكبر الأسبابي
ثم لن كبرتها تكبر عليك العله
دارها باحسن بصيره لا يبينّ الغابي
وان بدا فيها المرض تكرم يا راع الدله
الثبيتي:
انت ودَّك للحضور تغثرب المشرابي
ما غدالك شي تبغاها قشر وتعِلَّه
وانت تطعنلك بسكينٍ بغير انصابي
كيف اذر الكحل فوق رموشك المبتلة
…