محل الطيب والخير

محاورة بين الشاعر مطلق الثبيتي والشاعر جار الله السواط -رحمهم الله

هلا يا مرحبا في محل الطيب والخير ..

 

الثبيتي:
هلا يا مرحبا في محل الطيب والخير
أقوله واشهره قبل ردان السلامي
وانا با أدق في جبهة الشاعر مسامير
وازيده كيّه بمخطرٍ فالنار حامي

 

السواط:
يدوم الك البقا وانت لك حشمة وتقدير
وانا وانته ضيوف الكريم ابن الكرامي
(غير واضح) كان لك جنحان في عالي السماء طير
وانا باطير مثلك ويحماني حزامي

الثبيتي:
أبي اعطيك الفرس لين تغزي حرب ومطير
ولن ما جيت راجع لعلك للرحامي
وانا بادهن جنوبك وانا بادهن لك السير
وابى أسرق منك قدام يسرقك الحرامي

 

السواط:
تبى موتي وفرقاي والميتة مقادير
تحرك يا جملنا ترى ميسمك حامي
عساك تطيح بكره ضحى في قاعة البير
ويبكيك العصيمي ويبكيك الزلامي

الثبيتي:
بغيت أطبخك واليا أن لحمك لحم خنزير
ولا باقي بك الا العصب ويّا العظامي
من أول شيخ فالناس وتقود المظاهير
وهذا العام بيتك كما خدر التهامي

 

السواط:
ليا عذَّبت روحك تتعبك المشاوير
وانا رجال ماني طلي واسمع كلامي
انا ماني ببياع شاهي فالكفاكير
ليا منه لقى الخبز ما يلقى الايدامي

 

الثبيتي:
انا خايف على ركبتي من رمحة العير
كمن العير جاهل ولا يعرف مقامي
عساك الصبح تصبح ولا تمسي على خير
كما أنك غصن ما لك زهور ولا نوامي

 

السواط:
وانا (غير واضح) خايف وتفجعك التصافير
ولا انته كفو لامّ البناجر والزمامي
كبير في عيونك كبيرٍ واصغر صغير
وانا بسري على النور ماني في الظلامي

 

الثبيتي:
على راسك من العصر كسرنا القوارير
وتقضم في الحجارة وتحسبها طعامي
سنونك يا عميل الرضا مثل المناشير
ولا تضحك بها للعرب ما هي غرامي

 

صياف

نبي عيد ونجم وسرور وجويبر وابن مبخوت ..   مطلق

حبيب العازمي

العَينِ حَمرا على مطلق ومستور ..   حبيب العازمي: العَينِ

عبدالله بن دخين

يا مرحبا ترحيبةٍ صافية هيل على هيل ..   مطلق

هلال السيالي

سلام رديه تسر و تبهج العين ..   مطلق الثبيتي

أحمد الناصر

أحمد الناصر ترك ربعه وعوَّد للزراعة ..   الثبيتي: أحمد

ابو مشعاب

ازرع الطيب والمعروف بينك وبيني ..   الثبيتي: ازرع الطيب