يا سلامي على أهل الحفل واللي حضر به ..
الثبيتي:
يا سلامي على أهل الحفل واللي حضر به
من قروم الرجال اللي تعرف الحقيقة
كل واحد ليا سيَّر ولا عرف دربه
نصفعه بالمخمس لين يعرف طريقه
السواط:
انت فلَّاح والفلاح ما أسقاه غربه
مير كب الزراعة واشتغل فالموسيقة
بعد بكره تبى تشرب من السم شربه
يا رفيقٍ بعلم الزور يتهم رفيقه
الثبيتي:
قايد السرب حلق فوق راسك بسربه
كل ما مر بك يبست زهور الحديقة
راعي الجرب لا يعدي جملنا بجربه
من يجي للجرب لا قرَّب الله فريقه
السواط:
قائد السرب ما خاطر وشفنا الخطر به
ضيّقوا له خنانه ما يداوي الشقيقة
الحديد الموالي شفت بعده وقربه
والحرس في بلدنا تلزم أهل السريقة
الثبيتي:
من يحط الحجر في درب ربعه عثر به
كل واحد من العقال نشَّفت ريقه
ما بها عن وجيه القوم صدَّه وهربه
مير بالله تجوَّد بالحبال الوثيقة
السواط:
أعرف اللي يحطه واعرف اللي غدر به
فيك صدقٍ وغيب وفيك شرٍ وضيقة
…