وقت الطَّرب

محاورة بين الشاعر مطلق الثبيتي -يرحمه الله- والشاعر جار الله السواط بحضور صاحب السمو الملكي الأمير خالد الفيصل أمير منطقة عسير.

عسى وقت الطَّرب دايم علينا كل عام يعود ..

 

الثبيتي:
عسى وقت الطَّرب دايم علينا كل عام يعود
سلام الله على شيخ الجنوب ونورها البادي
ولا واحظي الأقشر ولا واحظي المقرود
رماني ف السواط اللي مشى بالدرب متحادي

 

السواط:
تهيَّض يا الثبيتي دام جينا حلة ابن سعود
ألا يا مرحبا ترحيبةٍ تغني عن الزادي
أنا قاضي وأنا مفتي وأربي من يريد الزود
ليا منك بنيت الجدر أنا ماني بهدَّادي

 

الثبيتي:
إلك ستين عامٍ وانت رجل تبذل المجهود
وتحرس مسجد العباس مدري مسجد الهادي
ولا يا البندق اللي ما لها صفره ولا عبرود
سلاح التركي اللي من ورى البصرة وبغدادي

 

السواط:
إلي عامين أقص الدرب واسري بالليال السود
وأشوفك عن طريق الناس يا أبن العم متحادي
أنا عمك وأنا همك وأنا حامد وانا محمود
بعد بكره نسجّل صوتك المبحوح فالرادي

 

الثبيتي:
سحابك يا الحصيني ما سمعنا فيه حسّ رعود
لكن السيل تالي الليل جانا حادر الوادي
والا يا كبر خشمك مير عيَّا يروح البارود
كما خشم البعير اللي بليَّا خرج وشدادي

 

السواط:
أنا ماني بزيدي وانت جايبلك نشوق زيود
ثلاث سنين وانته لليمن سرداد مردادي
حليلك يا بعيرٍ دوب جبناك وجنوبك دود
بدى فيها الدبر والدود في جنوب الجمل بادي

 

الثبيتي:
لك الله لوّ ماني في محل أهل الكرم والجود
لا شيلك ثم أدفك من ورى جيزان من غادي
أنا أشوف القبوري قام يحفر قبرك الملحود
يحتريك بسيفه اللي يطعن سود الاكبادي

 

السواط:
تجيب الّك علوم كبار يا حاسد ويا محسود
ولا يا الاجودي في رحلتك عذبت الاجوادي
ابا اقود السوالف والمعاني يا الثبيتي قود
وابا اكلفك بالطبخة واجي واسقيك برادي

 

مستور العصيمي

يالعصيمي نسمع الرعد ونشوف البروق ..   مطلق الثبيتي: يالعصيمي

خلف بن هذال

صياف ويا خلف هذال نبغاهم جمال جميع ..   مطلق

مستور العصيمي

سلام ردية ٍ من هاجسي تنصى الرفيق الصدوق   مطلق

علي الهجلة

المطيري يبي له قاف يطرح عقاله ..   الثبيتي: المطيري

رشيد الزلامي

محاورة بين الشاعرين مطلق الثبيتي  و رشيد الزلامي .. الزلامي:

صياف

يضحك الحربي وانا ابكي من همومي كل لليلة ..