أقفلوا بيبان صنعاء واقفلوا باب الحديده ..
الثبيتي:
أقفلوا بيبان صنعاء واقفلوا باب الحديده
عن شعيل وعن كحيل وعن هلال وعن رفيقه
أنت ومحمد كما اللي وثّقوا فالرجل قيده
كل ما مدَّ القدم حطّوا مصايب في طريقه
محمد بن تويم:
من يعاتبني تراني عارفٍ قصده وميده
يا صدورٍ للمثايل والمعاني مستفيقه
حجَّوا العالم وجونا والمسافر وين فيده
علّمونا بالصحيح وعلّمونا بالحقيقة
الثبيتي:
ما (غير واضح) بشتٍ جديد وما بها بدله جديدة
لا تضيق من الليالي ما نبا للعَود ضيقة
كل احد له حرم ويحجّله ويعرف صيده
لا تنشَّد عن خبر لو شدّ فوقك ما تطيقه
محمد بن تويم:
الغشيّم( ) ما يعيش إلا في الأرضِ البعيدة
مير في ديرنا لقينا ساعته تنقص دقيقه
يا هلال ويالعصيمي يوم بعض الناس عيده
مار ظني سارق الأجناب ما حصَّل سريقه
الثبيتي:
لي حصانٍ يسهج الميدان وسيوفي حديدة
لوّ اسوقه فوق بعض أصحابنا يشرق بريقه
وان غزينا فوق دار القوم أخذنا اللي نريده
والحسودي يجذب الونَّه وفي قلبه حريقه
محمد بن تويم:
التزم في شعفته ثم أعلن اسمه فا الجريدة
أنت وحصانك عساكم يالعتيبي في (حريقه)
…