هلا يا مرحبا بضيوفنا و ربوعنا الغالين ..
الداوي:
هلا يا مرحبا بضيوفنا و ربوعنا الغالين
تحية للرجال اللي لهم با المجد عنواني
ترانا والخليق موصفين للخشم والعين
ليا طقَّيت راس الخشم هلت دمع الأعياني
الثبيتي:
سلام الله عليكم يا هل دار تكرم اللافين
تحية وافيه وأقولها من قلب ولساني
يا هل دار الصباح اللي على العادة تعز الدين
ديارٍ تكرم المسلم وتكره كل نصراني!
الداوي:
بعد ذلك ليا جاهم فقيرٍ لا جٍي مسكين
يجيه الخير مع دربه وكثر الخير ملياني
ترانا والجزيرة شعب واحد والسنين سنين
لعل الله يبعد عن وطنا كل شيطاني
الثبيتي:
على شانك علشانك نخلي القاسيات تلين
ترى ما انته رخيصٍ عند ربعك يابو جمعاني
ترى عمرك قبل هذا السنة ما يوصل الستين
ولاكنك تبى التكريم من ذربين الايماني
الداوي:
وانا والله كذلك كان يذكر فا السنة عيدين
عليَّ اليوم ثالثهن بوجدانك فالاوطاني
ولا يا شيب عيني يا بو فيصل يوم اشوف الزين
عماهيٍج تناضرني وانا شايب ومتواني
الثبيتي:
أشوفك تنقل المشعاب والمقلاع والسكين
ولا تقنع من الدنيا لو ان الخرج ملياني
دخيلك لا تزاحمني تراني واردٍ ذالحين
بدلوٍ فوق جال البير حيث الحلق عطشاني
الداوي:
انا صاحبك تبخصني على وقت القسا واللين
أراضي من يراضيني واغث اللي تحداني
أساير صاحبي وانشان طبعه قلت له يا وين
ترى عندي هجوسٍ غامضه بالجوف وادهاني
الثبيتي:
أنا لو كان عندي بصر كان ارميك يم الصين
واسوي بيت فالديرة وبيتٍ جوف خيطاني
لكنك شايبٍ عاصي وتعلجها على اللحيين
وتبلعها كمنَّك لا ضروس ولاش نيباني
الداوي:
ليا جليتني وش مصلحتكم يا قوي العين
مهلي فيك ومغديك وسط البيت خرفاني
…