الخديدي غاب عنا مار يا مطول غيابه ..
الثبيتي:
الخديدي غاب عنا مار يا مطول غيابه
وان نشدت الناس قالوا داخل المسجد يصلي
بعد ضيّع فالدروب العوج شيبه مع شبابه
لاربطه في طنب خيمه ثم اتل الطنب تلي
هلال:
الخديدي ما تغيَّر يالثبيتي وش تبابه
انت ما انته في محلك ولا انا لازم محلي
يا عذاب اللي يدّور للنشايب واعذابه
مير لن طاوعتني خلّيتها دقٍ وجلي
الثبيتي:
انت ماشي مع الجهال ومسويَّ عصابه
صرت سكر عسْل صافي ميرحلوك ما يحلي
موتر (غير واضح) يا راع الشفا هشَّمت بابه
والمكينه خبطت ثم انفرط رمان بلي
هلال:
أنت فوقك يالثبيتي صابةٍ من فوق صابه
كم نصتحك كم نصحتك لا تكلّ ولا تملي
أنت لك مدة سنة تلعب على قوس الربابه
دوّر لخلك وراك ولا تقول هلال خلي
الثبيتي:
لو غسلت الجسم من هدّاج نظّفت الجنابه
يفرح القلب الصحيح ويرجع المال المولي
الرفيق اللي نشوفه تستر العورة ثيابه
كل ما شفته مع العربان ارحب به واهلي
هلال:
ما نبا نضْحك سليم ولا نبا نغضب عتابه
أنت يا مطلق من البارح لك طروقٍ تسلي
اصبر شويه يزين النوّ وتهلّ السحابة
من يجينا لاهيا( ) يرتاع من ضيني( ) وبلّي( )
الثبيتي:
أعرف العقرب واخوها وأعرف الأسود ونابه
شَوفها يا صاحبي دايم يسل الحال سلي
انت راع السيف مير السيف لا تخلع نصابه
وان شوتك الشمس يالشاعر تظلل تحت ظلي
هلال:
ما بقي بيني وبينك لا صلات ولا قرابة
مغتني عن واحدٍ لا قلت هيا ما فطنلي
ما دريت أن الزمان اللي بعد حاسب حسابه
مير خلك عند واد (غير واضح) والحفك مجلي
الثبيتي:
ان حفرت القبر بين الناس وين اغدي ترابه
إن دفنته ما يحل ولن تركته ما يحلي
الخديدي من همومه واعذابه واعذابه
صنعته خيَّاط لكن لا يشق ولا يشلي
هلال:
الجواب اللي بدون ثبوت ما نتبع سرابه
وإن بغيت الصدق مدري وش تشيل وش تخلي
انت في بطنك بلى من طال به سقمه غدابه
لك سنه وكسور ولسانك على خدك مدلي
الثبيتي:
ما تريّح منك لين ادخلك في قصر النيابة
لين حتى مع بني عمك تزل السمن زلي
المعاني هيّنة لكن كبَّرت الطلابه
ما نبا غير البعير اللي ورى الهضبه مفلي
هلال:
انت لا تحسب رجال خديد لأمثالك نهابه
جدّك اللي مات يسعى طول عمره (غير واضح)
…