يا مرحبا ترحيبة وافيه ينشط بها الضيف ..

 

مطلق الثبيتي:

يا مرحبا ترحيبة وافيه ينشط بها الضيف

اعداد ماتبدي عليه النجوم الساهراتى 

يابا يطول الليل للناس وتزيل المحاريف 

وهلال يسرى طول ليله ببشته مايبالي 

 

هلال السيالي:

دام البقا بالابه اللي مكلفها تكاليف

 والوافيه  قسمه لها من سنين ماضياتي

يا مطلق البارح تورم معي بعض التواصيف

 وهلال قلبه منتبه في الحياه وفي المماتي

 

مطلق:

زل الشتاء يا صاحبي وانتهينا واقبل الصيف

 وانتهت نوش بعض ريش الطيور الحايماتي

والفارس اللي فوق ظهر الحصان وجرب السيف

ياسر مامر لحده باسنين المقبلاتي

 

هلال:

يازين قلبك لو تقرب مع قلوب مواليف

 لكن اشوفك قمت تقدح تحت كم لعبات

كنت صادق مد يمناك ما هي بالتصنيف

 كنت جاحد عند خصمك عليك البيناتي

 

مطلق:

الاوله ياذيب ياذيب ماجتني على الكيف

 والثانيه لابد تومي على راسك عصاتي

ترى المراجل ماتجي بالحكايا والسواليف

 تبي رجال ينطحون العلوم الوارداتي 

 

هلال:

ما دام وريتو بدينا بها روس المشاريف

وانتم خير بعدها في الثلاثه العيناتي

الطاري اللي تذكره في طريقك شيخ ماشي

 والخير واجد لا تطلب والدلال مبهرا تي

 

مطلق:

اليوم بشتك طار في الجو من بعض العواصيف

 وشلون لو تمطر عليك المزون الرايحات

يا شيخنا ما عاد تفزع ولا تمن من الحيف 

وراك ما تصدق مع الناس وتسوي سواتي

 

هلال:

ياما وياما وردوا من ردوها مناكيف

 ضرب الصواقع ما يهز  الجبال الراسياتي

انت سواتك طيبه مير جا فيها تخاليف

وان طعتني لا تقترب والزنود مولعاتي

مطلق:

ما عاد نسمع للجماعه صياح ولا غطريف

الله هداهم واقبلوا لصيام وللصلاتي

ياللي تعجرفها  علينا من البارح   عجاريف

 يا عود ما واحد جوزك بنت من البناتي

 

هلال:

 يا ابن الحلال انت تخطف لذبحك بالخطاطيف

يا ما نوصي فيك لكن ما تسمع وصاتي

العود بحر يصطفق ما تنقصها المغاريف

واليا بغيت اتجوز اخذ هوايه من عزاتي 

 

مطلق:

النور نور الشمس ما هو كما نور الكشافشيف

 لا تعترض خلف الهلالي ولا رمح الزناتي

كان قفا العود مانلحق المقفي تحاسيف

وقد علينا كلنا بالهموم  و وبشماتي

 

هلال:

هرج السعه ماهمني لو بدو فيها الملاقيف

 حنا رجال الاخذ والرد لو راحت وجاتي

 

سالم الداوي

من دون قصره بمستور العصيمي والشواعير ..   الداوي: من

جارالله السواط

الليلة المعنى على راسك يابو ذيل ..   مطلق الثبيتي

سعد المعنا

اِنتحَى اللّيلِ واقفَنّ النّجوم ..   سعد المعنا : اِنتحَى

مستور العصيمي

يالعصيمي نسمع الرعد ونشوف البروق ..   مطلق الثبيتي: يالعصيمي

شلوييح المطيري

لحالي في طواريف القصيم وفي حلال مطير ..   مطلق

خلف بن هذال

محاورة بين الشاعرين مطلق الثبيتي -يرحمه الله- والشاعر خلف بن