يا مرحبا في مرحبا عد نوا بارقه  لاح ..

مطلق الثبيتي:

 يا مرحبا في مرحبا عد نوا بارقه  لاح

وانهل وابل الغيث من مزنه يزهم رعدها

نبا نجيكم يا الخديدي بعد مسرى ومسراح

واهل الوفاءتوعد  وتوفي تصدق في وعدها 

 

هلال السيالي:

دام البقاء يا اللي جوابه يعالج بعض الاجراح

الاوله جاءتك والاخرى تجيكم من بعدها

ان طعتني خليتها قول يا كم اجا كم راح

اشوف لي طياره بالسما يسعى جهدها

 

مطلق:

يامكبر الضيقه على واحد سارق ومزاح

ما واحد غيره يفك الحبال اللي عقدها

يا طير يا منتوف ربي خلق لك ريش وجناح

وام الكبائر غزتك بالعسل كانك ولدها

 

هلال:

ما فالك الا الزين تبشر بنا ممسى ومصباح

والهرجه اللي قالها قرها ولا جحدها

يا ولد عمي عوذ ابليس ما ابغى اسد ينباح

 ان طعت شورى خل بنت ضعيف في لهدها

 

مطلق:

ان كان طاحن نجوم السواري والقمر طاح

 تبقى النجوم في السماء يطلع سعدها

ما اشوف في بستانها طلع خوخ وطلع  تفاح

ماشوف غير الخيمه اللي قصيرات عمدها

 

هلال:

لا تحسب ان الخير والشر مثل قصور الافراح

النفس لا تبليك من شرها تفقد سعدها

انا اعرف علومك لو انك تمسحها تمساح

واللي تغازل ظلها ما تبي تلمس نهدها

 

مطلق:

اعرف دموعك يا الخديدي سوات دموع تمساح

وان الليالي السود ما واحد يسلم نكدها

شبيت نارك من ضحى لين ربعك قدرها فاح

وبعض العرب لن ولعت نارها ينقص عددها

 

هلال:

احكي على فرقه حبيب يعج بزين الارواح

فقدتها يوم غيري بجيبه ما فقدها

اصبر على ما الله كتب لك بعد طاح 

يجيك نعمه ضافيه ما تبي تحصي مددها

مطلق:

ما واحد يبكي على عاشقه طلال مداح

اللي ما العشاق دائم تسافر عن بلدها

انا مع اهل السيل في ديرتي داله ومرتاح

يوم ان بعض الناس شر الكواكب ما رصدها

 

هلال:

ما قلت لا تطمع علينا ترى منتهي طماح

ماكل مقصوده على البال تطري من قصدها

نعم باهل السيل لكن ما جيتوا بالارباح

ذكرتني ياصاحبي السالفه عندي سندها

 

مطلق :

هل المعاني دونها يا الخديدي ستر وسناح

والمملكه تسلم ويسلم لها القائد فهدها

 

صياف

ابتعبك ياصياف وارتاح يامستور . . .    مطلق الثبيتي:

مستور العصيمي

مطلق يا نجوما على درب السواري لا تغيبين عنا واحترينا

ملفي المورقي

يا مرحبا ترحيبةٍ حشمة ومقدار ..   الثبيتي: يا مرحبا

صياف

عِـدّ نَـوّ عَـلَيه اِيزَلـزِلَ الرّعّـاد ..   مطلق : عِـدّ

حبيب العازمي

سلام يا للي يسلي شوفهم في كل الايام ..  

ملفي المورقي

سلام بردةٍ تبدي بها الروقة على برقا ..   المورقي: