ياراكب اللي

ياراكب اللي يـوم نفّاثهـا حـن

تسبق قمر عشرين وقت الزوالي

طيارهـا فنّـي وطبلونهـا فــن

ويازين للنفـاث فيهـا اشتعالـي

ياكن تحت إجناحها يضحك الجـن

ولاصواتهم تحت الجناح إجتوالـي

اثقل على كبد الثرى من مية طن

وأخف من ريش الوحش فالعلالي

منوة غريـب لاذكـر ديرتـه ون

وجاته همومه من يمين وشمالـي

ملفاك رجل ٍ عادته يحـرق البـن

والنجر يعول وبين صبح الدلالـي

في مجلس ٍ مافيه تهمـه ولاظـن

ياماذبح للضيف من كبش غالـي

يرسي كما يرسي مكانه جبل عـن

معروف لو صكّت عليه الجبالـي

ابو سعود إليـا الركايـب تلافـن

قدّم لاهلهن كيـف مـرّ ٍ وحالـي

وإليا عطا يعطي عطايا ً بلا مـن

ماتعرف اليمنى عطايـا الشمالـي

قلّه تـرا غبـر الليالـي تقافـن

واقبل سعدك وعنك حملك يشالـي

لاتثّـر العبـره ولاتقـرع السـن

أطلب وحنّا لك خـوان وعيالـي

والنفس عن شطحاتها عنّها عـن

عن ّ الفرس بمثولثـات الحبالـي

أنته عتيبي مانت هن ّ ٍ ولد هـن

ممدوح لن جا للسوالـف مجالـي

ربعك عتيبـه والتواريـخ كتبـن

كيد العـدا وامكرميـن السبالـي

كم فـارس ٍ خلّـو بناتـه يونّـن

عليه واسي مجلس الشيخ خالـي

ستر الخوي والضيف والجار يأمن

في ضفهم مـن خاينـات الليالـي

ياما تمنّـى موتهـم نـاس لكـن

زادوا وزادوا بالوفـا والكمـالـي

ياجاذب الطاروق في مدحهم غـن

طرب وتطرب لك قروم الرجالـي

يابوسعود الفكـر تايـه ومنجـن

يبـا يسيّـر يمـكـم ياحـلالـي

سلّم على هتلـر وسلـم عليهـن

إمكحّـلات عيونهـن بالـدلالـي

أستمع للقصيدة

قصائد مختارة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *