سلام الله سلامٍ للعوارف مثل بن وهيل ..
الثبيتي:
سلام الله سلامٍ للعوارف مثل بن وهيل
عدد نو السحاب اللي كثير الناس يرجونه
ألا يا ليتني فرع البهيتة جوف واد السيل
واعدلِّ صفي اللي يشرح الخاطر بقانونه
الجبرتي:
هلا يا مرحبا بك يا الثبيتي يا حديد هذيل
أشوف هذيل مع سده واشوف هذيل من دونه
وأنا واياك يا مطلق لفينا في ملز الخيل
أنا ما باح مكنوني ومطلق باح مكنونه
الثبيتي:
لك الله لو بني عمي على جنبي عدلت الميل
ولا جريت صوتٍ عيُّوا الحضَّار يوحونه
سرا ليلي وأنا ارقب والجبرتي نور نجم سهيل
لكن سهيل غاب وفزعني عيُّوا يشوفونه
الجبرتي:
لك الله ما تِروّحٍ لين احط الكيل فوق الكيل
ولا يضحك عميلي لين أولع راس غليونه
لكنك شد حيلك يا الثبيتي يا شديد الحيل
أنا سيَّار ساري ساع ما حرك دركسونه
الثبيتي:
تراني عارف مبداك يا ذا النجم يا بو ذيل
ترى مبداك مبدا شوم لو صورتك مزيونة
ولا يا بعدني لو كان تسبرني من الدربيل
ولا يا راعي الدربيل أثر شوشتك مدهونة
الجبرتي:
أنا خابرك يا مطلق ترنقط للعرب بالليل
شربت الكنت عند البنت مير البنت مجنونة
أنا شايب ولد شايب واعقلِّها وسيد عقيل
لكني في شبابي ما لحست الزيت والتونة
الثبيتي:
لك الله يا الجبرتي ما نقيمك فوق شط النيل
نحطك فوق جالة فضيةٍ بالطين مدفونة
من أول تنزل السوق الصغير ويمتلي الزنبيل
وذا الحينة معك خبزة تحذقِّها بليمونة
الجبرتي:
أنا ربي خلقني طير وقَّع فوق راس الفيل
وأقول ابليسكم ملعون وأم ابليس ملعونة
أنا عمك وانا همك وانا الحيلي وأنا الحلحيل
وابا ارسل يمك الدلال والدلال حسونة
…