مرحبا في مرحبا باللي حضرنا من قبايل …
الثبيتي:
مرحبا في مرحبا باللي حضرنا من قبايل
من هذيل ومن سليم ومن ثقيف ومن شبابه
يا طلق سوق القوافل والوعيدة سوق حايل
وانت جمال القوافل يا صحابي من صحابه
الهذيلي:
البقا من خاطري ياللي تغني بالمثايل
عد براق الحيا وان لاح في عالي سحابه
ويش فكرك ويش ظنك يوم ردوا بالرسايل
في قمر سطعش في مبداه والا في غيابه
الثبيتي:
الجبل مرسى لكن الفيَّ فوق الضلع مايل
فوق قمته الحجل يرجس وفا اسفله الذيابه
يوم ظلا البرق في مزنه وجاك السيل سايل
ليه ما تشرب من الما يوم يصفي لك شرابه
الهذيلي:
يا ثبيتي صيَّح الصايح ولميت القبايل
والامام اللي تقدم ما قرا صفحة كتابه
المطر يمطر وسيله ما تعدى سوق حايل
والبعير اللي برك يرغى ورزقه تحت نابه
الثبيتي:
ياهَلَ القطر اليماني في معانيكم عدايل
كل سيفٍ تشهرونه سلته تاكل نصابه
يا لطيف الحال يا مالي عليكم من جمايل
كل واحد نشتري بشته ونشري له ثيابه
الهذيلي:
لا يطول الليل وانعوّد على حطٍ وشايل
عان صاحبنا مقابل لا يغنى بالربابه
…