الحمول الكايدة

محاورة بين الشاعر مطلق الثبيتي – يرحمه الله – والشاعر الكويتي الراحل شبيب بن جعيلان الدغباس – يرحمه الله

الليلة الفارس يبى يفزع بسيفه مع شبيب ..

 

الثبيتي:
الليلة الفارس يبى يفزع بسيفه مع شبيب
واللي ينوخ للحمول الكايدة يشتالها
وإن ودته عنب وعن ربعه مبعدة القريب
الله يطول عمرها والله يجمل حالها

 

الدغباسي:
وليا فزع لي صاحبي يا صاحبي يجزي بطيب
والا دلييّ ما خبرت اني قصرت حبالها
والحين جر الحوض يا عطشان واشرب يا شريب
على عدودٍ راسيه وتصدر اللي جالها

 

الثبيتي:
من أمس أدورّ في رفيقي من شعيب ليا شعيب
والشرق شدت والليالي ما يهل اهلالها
ومنيتك بالمرجله والمرجله حظ ونصيب
والأوله وان فاتت الرجال جاب ابدالها

 

الدغباسي:
تعبت معكم يا حضر واحد يبى الثاني يغيب
والناس في هالوقت عيَّت لا تقلّ أعمالها
خابرك شاعرٍ وافٍي ما فيك لا شك وريب
خل السوالف بيننا تمشي على مجدالها

الثبيتي:
أنته وزيرٍ للزراعة وأنت زرَّاع الركيب
ما باقٍى غير السواني يدّرج محالها
قدام عرضك لا يشيب وقبل راسك لا يشيب
سد الحصون اللي من البارح فتحت أقفالها

 

الدغباسي:
احذر تضيق وخل صبرك مثل ما يصبر هديب
خله كما المركا وأنا بصير له خيالها
بصير لك مندوب والمندوب جعله ما يخيب
وأن عجلت وان طوَّلت بصير لك مرسالها

 

الثبيتي:
صبرت لين الصبر باح وروَّح الحق المصيب
والنفس لو جازت من الحق المصيب اشوى لها
انت تعزوى والعزاوي ما تروّع كل ذيب
وإنّ المطية ما يجوّدها يّكود اعقالها

 

الدغباسي:
تبي تطالبني وأنا ما جيت لك خصم وطليب
نبي نجللها واشوفك ما تحب اجلالها
لا تحسبنّي من مجاهدكم ولي قلب رعيب
يالحية الرقطاء عرفنا سمها وأفعالها

 

الثبيتي:
مابى من الخلفه وراعيها يقع كاسة حليب
وانته وابو جمعان فيكم كبدها وطحالها
الحيَّة الرقطاء تخير بالقضيبه والقضيب
تعرف رجالٍ بالشدايد ما يخلِّ خلالها

 

الدغباسي:
حنَّا شربنا صفوة الدلة وخلينا السريب
والا الرجال المضحية تشرب سريب احثالها
خللك على ما ظن بك رجال يالشاعر وأديب
ولا تدش بخطةٍ ما ينعرف (غير واضح)

 

الثبيتي:
ليا تعذّر صاحبي من فعلته ما هي بعيب
العيب للي ما تعشى والتمر في حثالها
الدين يلقى له وفا والجرح يلقى له طبيب
واهل الصفا واهل الوفا ما ينجحد مكيالها

 

الدغباسي:
الدوم يظهر به خلال وصايرٍ نبته عجيب
لا شك توصيف الحصى ما ينقعد بظلالها

 

محمد الجبرتي

يا سلام الله عدد من وبل السحاب ..   مطلق

خلف بن هذال

سلامي سلامٍ لَلثّبيتي مِثِل نقدَ الفلوس ..   خلف بن

جارالله السواط

يا سلامي على أهل الحفل واللي حضر به ..  

ابو مشعاب

ازرع الطيب والمعروف بينك وبيني ..   الثبيتي: ازرع الطيب

صياف

اخذ الحربي على دربي ضحى واطق راسه   مطلق الثبيتي:

شلوييح المطيري

سلام الله على من جابنا ذكره ومرسوله ..   الثبيتي: