مرحبا يالثبيتي

محاورة بين الشاعر مطلق الثبيتي – يرحمه الله – مع الشاعر الكويتي الراحل شبيب بن جعيلان الدغباسي – يرحمه الله

مرحبا بالثبيتي يا هلا وهلّا بمستور ..

 

شبيب الدغباسي:
مرحبا بالثبيتي يا هلا وهلّا بمستور
ترحيبه العود عقب البطا يغلي في عياله
الليله الليله الليله وأنا يا ربع مسرور
واشوفهم بالوجود وطيبين بكل حاله

 

مطلق الثبيتي:
أنا عرفت القمر قدام لا يشعل لنا النور
دام البقا يا عريف حالنا يمشي لحاله
والكل منكم يا هل علم الوفا مشكور مشكور
لكن ليل الشتا ما اعرف حرامه من حلاله

 

الدغباسي:
ليت السفر ما يعجل وذنا به عدة شهور
واظن بعض العرب وده يجرب راس ماله
اما تخرج واخذ ياهل الشهادة علم دكتور
وإلا تخلى عن المنصب ودورنا بداله

الثبيتي:
أنا لقيت السمن والزبد مير الخد مدهور
يالله يالله تبدل حالة الطرقي بحاله
اجنيه مكشوف وجهه للعرب واجنيه مصرور
واثر الذهب ما يجي للي يبونه بالسهاله

 

الدغباسي:
اقصور مانت محصل عندنا يا صاحبي قصور
والضيف يلقى قراه وما فعل عمه وخاله
مذخور ماني بذاخر عنك يا رجال مذخور
لكن بعض الحوال الكل ياقف دون حاله

 

الثبيتي:
امسيت يا صاحبي ما بين محجورٍ ومجرور
وانته تعر فالجمل وتحوز كبده عن طحاله
أنا سمعت القنابل تنفجر والمدفع يثور
وان مات عنها غريبٍ ما أعرفه مالي وماله

 

الدغباسي:
ترى الدعاوي عوافي ماحصل غاره وطابور
وحنا نعرف الذيابه ما تباريها الثعاله
إن عوَّدت للمواقف قد مضالي موقف ودور
كم واحدٍ قد طمع فينا ولا حزَّم حلاله

 

الثبيتي:
بقعا ليا حولت فوق العرب ما عقَّبت سور
تفطر بجمال أهل صنعاء وتتعشى بجماله
ما ادْم راع الجميل وكل شي فيه مخبور
مخبور قرشه وديناره ومخبورٍ رياله

 

الدغباسي:
بعض العرب معجب بنفسه وهو غادي ومغرور
وأكثر العربان يا رجال ما تارد حباله
لو تنصحه بينك وبينه عصاك وجنب الشور
وهو بعمياه غادي جعل ما فالك بفاله

 

الثبيتي:
يالعود منك السماح وما فعلت اليوم مشكور
واللي سواتك ترانا واللهِ ما نرضى بزواله

 

 

 

صياف

  سلامي رِدّيّه لها قلبُ ولسان .. صياف الحربي :

صياف

    مطلق الثبيتي: مرحبا بالي حضر من بعيد ومن

أحمد الناصر

أحمد الناصر : سلامي يا فَزعةَ التّوحيدِ والاسلامِ والمسلمين عادَه

صياف

ياسلام الله عليكم عد براق المخيله ..   صياف الحربي:

بريك السعيدي

انا ليا صحكت الظلمة على الشعار مثل السراج ..  

جارالله السواط

يالا لا لا مرحبا في محل اهل الوجوب  ..