المطيري يبي له قاف يطرح عقاله ..
الثبيتي:
المطيري يبي له قاف يطرح عقاله
والعتيبي يعرف اللي يغث المطيري
جابه الله عزيز الملك قبل انعنى له
تحت راسه علوم ومحتزم بالسواري
الهجله:
المطيري من العتبان مفتكّ حاله
لوّ يطري لهم سبعه وسبعين طاري
جيتكم بعد جاني من طرفكم رساله
والرسالة ملاحظ لي عليها شواري
الثبيتي:
حولك الوضع متوتر وحالتك حاله
وانت تكفخ بجنحانك ولا انته بداري
قلت لك ريَّح أعصابك وعطني وكاله
قلت والله ما أوكّل لو تجر الجواري
الهجله:
ما يسوق القدم للموت غير الجهاله
والجهل عافني وأرخى رقبته لغاري
تحسب إنك بهذا العلم كاسب جماله
لو أوكّلك في دعواي خربت داري
الثبيتي:
المطيري بدت يمناه تصفق شماله
حك راسه وطارت من يديه القماري
لو يريّح هواجيسه ويقصب حباله
قبل يتعب ويصدم في حدات الكباري
الهجله:
يا الثبيتي تجر الحبل فوق المحاله
تسحبه بالرضا والا تجره جباري
باقي العلم خلّه عنك ما لك وماله
في يدين القروم موردين الشباري
الثبيتي:
لا أنت صاحب سمو ولا أنت صاحب جلاله
أنت شاوي حياتك كلها في الصحاري
جيت أعلّمك واورِّيك درب الشكاله
ولو شليويح يدري بالخبر جاك ساري
الهجله:
واحدٍ قبل نوصل له جفل من خياله
ما يحق إله يضحك مع سباع الغداري
طول الأيام واقف عند باب البقاله
ما يعرف العلوم الا أشتري ياشواري
…