يا سلامي على الروقه نصيفه عتيبه ..
الثبيتي:
يا سلامي على الروقه نصيفه عتيبه
درعنا في نهارٍ فيه بايع وشاري
صفنا ملتحم ما فيه شك وريبه
علّم اللي طراله في زمانه طواري
حبيب:
مرحبا عند شيخٍ كلنا نعتزي به
للرفيق الموالي والرفيق المباري
صفنا ملتحم وانّا( ) معزه وهيبه
وانت تدري وغيرك يا احمر العين داري
الثبيتي:
ما نبى الضلع يعوي فوق الأجواد ذيبه
وان عوى ما نبى حربيّ ولَّا مطارى
صاحي السمع حتى النمل يسمع دبيبه
اما أنا أسمع وحيف الذيب فا الليل ساري
حبيب:
يسمح الغيظ منهم ما عليهم غليبه
لو تسيل السيول ولو تهب الذواري
صاحي القلب عنده منهجٍ يدعي به
ثابتٍ في صحيح الترمذي والبخاري
الثبيتي:
يا حبيب ترى هاذي عجيبه عجيبه
رد عنا الجيوش من الجراد النعاري
وش نسوي نحبك با الرضا والغصيبه
مير يا جعل ما تجري عليك الجواري
حبيب:
لا تجيب المصيبة ولا تودٍ المصيبه
لو تطول المسافة ما لكم عم غاري
لا تضيَّع حقوق الناس يا عود شيبه
اكثر النوم يا مطلق يجيب الهذاري
الثبيتي:
ما نبا اللي ليا ما ضاق يبدي حضيبه
جاهلٍ فالعرب ما هو بكاتب وقاري
لا تشيل الصميل ولا تخض الغبيبه
صاحب اهل الحضاره والزمان الحضارى
حبيب:
كل واحد على حظّه وياخذ نصيبه
ما يردّه غليس ولا يردّه مكاري
الصميل اتركه وانا اتركه ويش ابيبه
البلا بايعين النبق وسط الهواري
الثبيتي:
من نطحها لحاله سابقه ما تثيبه
بين ضرب السيوف وبين طعن الشباري
كيف يقبل بها ويحطها وسط جيبه
واحدٍ قام يلبس له ثياب عواري
حبيب:
المداوي لقا طب الجروح العطيبه
ما بقى غير جرح الوقت ما هو بباري
يا الثبيتي تبعدّها وتصبح قريبه
أنت يومٍ تبا الجنة ويومٍ نياري
الثبيتي:
انته الصيدلي والجرح ما انته طبيبه
انتظر لين يصدر به قرار وزاري
غيب عنها وانا ودي تطول المغيبه
لين حتى نسوي للطريق الكباري
حبيب:
ان لقيت المريض اعطيه وصفه رهيبه
وصفةٍ ما وصفها غير رجل استشاري
…