عد همال السحاب اللي تحن رعوده ..
مطلق الثبيتي:
عد همال السحاب اللي تحن رعوده
مرحبا في حلةٍ يكرم بها الضيفاني
شفت بن جرشان في دربه يطش شنوده
كن ما وده يحك الزند بالصواني
ابن جرشان:
عد همال السحاب وحسبةٍ معدودة
مرحبا ترحيبةٍ يرضى بها الزعلاني
فاللزايم كل علمٍ با اللسان تروده
مار لا تخطي على السلطان يا السلطاني
الثبيتي:
انت لك بين القبائل خطةٍ محدودة
يا ثمر ورد الهدى يا دوش يا ريحاني
لا تسير بالقدم في سكةٍ مسدودة
وانته أعور عين ما ادري من حدا العمياني
ابن جرشان:
ما عليَّ خلاف ما دام الثقة موجودة
والله أعلم بالقلوب اسمع كلام ثاني
كل حجَّة في يدينا حجة مشدودة
والعور قاضي لزومه واعتلى الضلعاني
الثبيتي:
الكلام اللي نجيبه حاضرين شهوده
اثر راعي حضن لا مسلم ولا نصراني
انت مدفاعٍ من البارح فرق باروده
زهبته ثارت ومرَّت كلها دخاني
ابن جرشان:
لا تجيب شهود من ضابط حرض وجنوده
الحذر تطري حضن يا راعي الريعاني
مدفعي يقدح زناده وانشد المنشودة
مير من يخطي طريقه قول له غلطاني
الثبيتي:
من حفر قبرٍ هلالي لين طلَّع دوده
يدخل القبر القديم ويلبس الأكفاني
من قرب للسمن حتى أنه دهن عجروده
يشربه ويروح مع غامد ومع زهراني
ابن جرشان:
من حفر له حفرةٍ تكسر خلاف ازنوده
وانت لا جيت الحساء من خالك البحراني
انت شايف بالعيون اللي يحرك عوده
مار تزعل لن شتمنا جدك القحطاني
الثبيتي:
يحفظ الله حضن لو تضبح علي قروده
حضن حافظ له عن الدنيا مية شيطاني
انت ما تعرف عسير ولا نزلت السودة
ما تعرف إلا الحضانا والمعز والضاني
ابن جرشان:
ما ننام الليل عن سعدي ولا مسعوده
لاجل يقبل منك يا أقشر قايد القشراني
لا تشيل مسدسٍ ما ينطلق عبروده
وانت لك بابين رزت قفلهن براني
الثبيتي:
ما علي من اليتيم ليا لمست خدوده
واليتاما مالهم غير العصى من داني
يا البعير اللي لقيت الشوك تحت بدوده
كيف تصبر فوق نغز الشوك وانت عماني
ابن جرشان:
اكثر العربان مثلك فالبلد محسوده
وانت ظني لو تموت بدون طق جناني
والبعير اللي تقوله ما ثقل باروده
مار عليه ولا بلش في معالج الحشواني
الثبيتي:
حظنا كيف امتحنا فاليمن وزيوده
كل زيدي يزهب ويرمي على الذرعاني
يا بعيرٍ في يدينه واسمات قيوده
اختلف لونك وجبت الشب والخفاني
ابن جرشان:
وان بلاك اللي بلا الهندي وشال هنوده
والهنود الها بطونٍ تاكل القرصاني
…
