ليت ابن جرشان

محاورة بين الشاعر مطلق الثبيتي رحمه الله والشاعر محمد ابن جرشان .

لي رفيق انشد عنه كل الطراقي مالقيته …

 

مطلق الثبيتي:

لي رفيق انشد عنه كل الطراقي مالقيته

فيه خير وفيه شر وفيه وفيه باره

ليت ابن جرشان سكر عن الهبوب اليوم بيته

قبل لا تدخل عليه وتعمي عيونه غباره

 

ابن جرشان :

انت تنشد كل ماشفته ولا قفى نسيته

والحقيقة فيك صدق وفيك كذب ورسم أماره

والزمان الي تقوله مبتليني ما ابتليته

واللسان الي ضري بالحلو ماذاق المراره

 

مطلق :

والله انك صاحبي لاكن حبك مابغيته

مايحبك غير واحد شيخ سوق وشيخ حاره

والونيت الي وصل بك مختلط ميه وزيته

سرع ماهشمت لك حوضه وهشمت الغمارة

 

ابن جرشان:

لو جلب حبك عليه والثمن غالي شريته

كيف نكره واحد صوته سمعته فالمنارة

والونيت الي تقوله مع حلالي ماقنيته

مير ذا طبعك تبا صك الحجارة بالحجارة

 

مطلق:

ان لقيت الليل مظلم يامحمد ماسريته

لين اشوف الزند في الصوان يقدح لي شراره

وانت يالعجلان من عجلتك عمك ما احتريته

لين زل ابك القدم وامسيت سبع في مغارة

 

ابن جرشان:

تحكم الايام طيع الامر مثلي ماعصيته

لا تروح تطلع الثعبان من وسط الخبارة

يالثبيتي كل من مرك على الضيحة رميته

صرت مثل الي مع اللي يمدحه يعمل شطاره

 

مطلق:

لو حضن يصبح سوات الخبت والله ما بكيته

مير بالله لا يزيد الضغط وتزيد الحرارة

كل ماجينا نمد الحبل بيدينك لويته

كن كبدك ياكبير الرأس مافيها مراره

 

ابن جرشان:

انت لو نعطيك ذاك الضلع في نارك شويته

مير لا تجعل حضن للبنق ام زناد اشاره

 

 

 

 

 

 

فيصل الرياحي

يالرياحي تعبت وبركن الركايب   مطلق الثبيتي: يالرياحي تعبت وبركن

ابو مشعاب

يامرحبا عد نو بارقه لاح ..   مطلق الثبيتي: يامرحبا

ميشع الروقي

سلامي على أهل الديره اللي هواها زين ..   الثبيتي:

أحمد الناصر

علم الجهال لاتحسب الدنيا عروس ..   مطلق الثبيتي: أصلحي

محمد الجبرتي

بابور ابو دقلين سافر بما فيه ..   محمد الجبرتي:

صياف

جيت فازع بسيفي واشهره واعتزي به ..   مطلق الثبيتي: