والعلوم طوال و اللي مضى واللي بقى ..
الرياحي:
والعلوم طوال و اللي مضى واللي بقى
والسحابه مستهلة ويبرق برقها
كنت أنا والشيخ مطلق رجال وأصدقاء
مير عذر فالصداقه وخرب طرقها
مطلق الثبيتي:
الدروب طوال واللي نزل واللي رقا
والدير ما بان لي غربها من شرقها
لا تضيق من الثبيتي ليا شرب الشقا
فعلته للناس غل القلوب وحرقها
الرياحي:
أنت عفت العافيه لين عارضك الشقاء
يدك تسرق لين كلٍ درى عن سرقها
تزهم العتبان للهوش وترد النقا
لين رحتو بين طعن الرماح وزرقها
مطلق الثبيتي:
أنت يا فيصل تدور ومن دور لقا
والمطارق فوق راسك سمعنا طرقها
عندكم طير يرفرف وطير ينعقا
والحمامه في قفصها تغني طرقها
الرياحي:
الله أعلم بالحقيقة وفاز من اتقى
خل هاذي جنب الأخرى ويعرف فرقها
يا طويل العافيه ما على الدنيا بقى
يوم الأيام جمّعَتَ سمرها مع زرقها
…
