هلا يا مرحبا ترحيبةٍ نكمل بها القانون ..
مسعد:
هلا يا مرحبا ترحيبةٍ نكمل بها القانون
وهاذي ليلة الأفراح عندي مثل الأعيادي
حضرنا بالفرح ما فيه لا داين ولا مديون
وأنا ممنون يوم الله جمعنا عند الأجوادي
الثبيتي:
يدوم الك البقاء يا شاعرٍ من صحبتك ممنون
لو أني ما عرفته غير بين الضلع والوادي
أنا فيه طبيعة ما أنشد العاقل عن المجنون
لكن أنشدك وش حصلت فالبصرة وبغدادي
مسعد:
معرفتكم لنا عز وشرف وأهل الوفاء يدرون
وأنا عرفي لكم محدود بالتلفاز والرادي
أنا صاحي ولاني لابسٍ ثوبي بدون أردون
حدود الناس معمورة يا عنتر يا بن شدادي
الثبيتي:
يقول إنك وعل لكن في راسك ثلاثة قرون
معك عجله ولا يحداك عن نطح العرب حادي
وأنا ماني مصدق فيك لين افتّش الماعون
وأشوف اللي ورى سد الجبل وأطوّل المادي
مسعد:
أنا شايف عقيد القوم طلعت له ثلاث عيون
يعاين بالعيون وثروته دلَّه وبرادي
عسى ضلع المشاكل يا ثبيتي يطحنه طاحون
ويصبح منتزه واللي يجي من سدكم فادي
الثبيتي:
ضحك منا بليس اللي يقولون العرب ملعون
بعد ماهو بعيرٍ حطّ له خرجين واشدادي
اعرف النخلة اللي في طوارفها مية عروجون
وتنثر تمرها ما بين مصداري وميرادي
مسعد:
وليش اللي جبرك أتركب الجمرة على الغليون
وأنا أوحيت الخبر يا محترم في بث الإرصادي
تعاين للتمر لكن من دونه حرس وحصون
يا راع التمرة اللي صدرت لبلاد الأكرادي
الثبيتي:
بليس اليا لزمته. بيعته ما أدفع لها عربون
ولن. لد النظر في المملكة ما عنه نشادي
كسف وجه القمر ثم انثنى من وجهه المزيون
وبان السقم في بيض القلوب وسود الأكبادي
مسعد:
بليس اللي جبر عبد الحميد يسلم المليون
لعل الشر يقصر مارده والخير يزتادي
ترى نور القمر واضح ما دام البيت فيه اركون
وحنا في موافقنا ومعنا السيف عبادي
الثبيتي:
أنا أدري وأنت تدري مير بعض الناس ما يدرون
ولا يدري فقيهٍ نايمٍ في مسجد الهادي
وسيفٍ ما يعقب في نحور المعتدين أطعون
تعب من ينقله وأتعب بصنعه كل حدادي
…