يا مرحبا عند راعي مرحبا بالجار والضيف ..
مسعد القصيري:
يا مرحبا عند راعي مرحبا بالجار والضيف
وأهل الشجاعة لهم تاريخ معروفٍ زمانه
الليلة أبغي علوم الضيف لو فيها تكاليف
أبا أنشده شد ضلع طويق والا في مكانه
مطلق الثبيتي:
أبك البقا يا عريفٍ جابته ما تخرب الكيف
أصلب من السيف وألين من عروق الخيزرانه
طويق حاميه رجَّالٍ يشيل الرمح والسيف
وافي وصافي مع الدنيا وصافي له زمانه
مسعد:
حسيبي الله على اللي فرقوا بين المواليف
واللي شعوره طوال يبل راسه للحسانه
إن كان عندك خبر وايق على روس المشاريف
تراك أخوي الكبير اللي مكلف في خوانه
الثبيتي:
ماني مسولف مع الغلطان حجاد المعاريف
واللي سلم من يده ما هو بسالم من لسانه
يا للي تحسف على وقت الربيع وتكره الصيف
لا تشمت الفارس اللي يقطع الفرجه حصانه
مسعد:
حق الله إني من أصحاب الخدود محب ومعيف
وأمسيت بين الرجاء والياس والعب يالدانه
أنتم وردتوا على الماء وارتويتوا بالمغاريف
لكن حنا جهينة عندنا قفل الخزانة
الثبيتي:
حنا هل الضلع يا جهنان والا انتم هل السيف
وقلوبكم بيض مثل الشاش ما فيكم لعانه
الله حفظكم عن الفتنة وعن صفق العواصيف
والكم مع الناس حظ معتلي والكم حصانه
مسعد:
أنتم هل الضلع وأهل الضلع يا ثبيتي ملاقيف
معكم يتيمٍ ثمان سنين باقي بالحضانة
انته تخوَّفت من رعد السحاب اللي مراديف
واطلقت بشتك وباكورك وكبَّيت الديانه
الثبيتي:
حنا هل الضلع فينا جهل والا انتم حراريف
هذي تراها حقيقة والمجالس بالأمانة
يا للي تسيَّر بقرشك لين تعبت الصراريف
ما تشتري لك سلوكٍ للربابه والكمانه
…