يضحك حجاجه

محاورة بين الشاعر مطلق الثبيتي – رحمه الله – والشاعر ملفي المورقي

يا مرحبا ترحيبةٍ حشمة ومقدار ..

 

الثبيتي:
يا مرحبا ترحيبةٍ حشمة ومقدار
واليا سمعها ضيفنا يضحك حجاجه
يا المورقي شبَّيتها بين العرب نار
واظن مالك في لهيب النار حاجة

 

المورقي:
دام البقاء يا مكرمين الضيف والجار
وافين دايم فالقبول وفا المواجه
اذهن تسمّع يا الثبيتي بعض الاخبار
واليا عرفت الجرح دوّر له علاجه

 

الثبيتي:
العود الاعوج ما يقصُونه بمنشار
يلقى رياجيلٍ يعدلون العواجه
ابتاع واشتر كل ما غلين الاسعار
لا تلتفت يمَّة فقيه ولا دجاجه

 

المورقي:
بعض العرب دايم يروغ يمين ويسار
وان كان قضى أيام ما عكَّر مزاجه
أنا ترامي خابرك حيلي ومكار
خل الخواجه والمرافق للخواجه

 

الثبيتي:
ترى الحضارم كلهم فالسوق تجار
وانته بديوي سارحٍ فاول نعاجه
يا الصاحب اللي صرت بين النار والغار
قفّل على وارد عراوي في كراجه

 

المورقي:
المورقي في دار واللي قلت في دار
والحضرمي ممشّا معه عيب وسماجه
الطايرة جاها من أهل الشرق طيار
يعجبك في مسراه معها وانعراجه

 

الثبيتي:
خلك على درب السعد طرقي ومرار
قدام لا يقلاك أخو مرَّه بصاجه
أخذ مع أهل الغي سجاتٍ ومشوار
لكن لا تقرب من الباشا وتاجه

 

المورقي:
اللي مهاجر لا يعارض درب الانصار
ويفارق الأصحاب ويذب الزراجه

 

 

شلوييح المطيري

مرحبا يا الشّاعر اللّي غِبتِ عنّا ..   مطلق الثبيتي

أحمد الناصر

سلام ياهل الوفا والجود والطيب ..   مطلق الثبيتي سلام

مستور العصيمي

    الثبيتي: ابا اسريِّ العصيمي لين يصبح في جبال

صياف

الحريبي ينفض اللحية ويطوي في معمه المغترة 1405 هـ …

صياف

الثبيتي كل ماشاف البحر يومي براسه ..     صياف

شبيب الدقباسي

الليلة الفارس يبى يفزع بسيفه مع شبيب ..   الثبيتي: