اخذتنا با مورقي في دين الاسلام ..
مطلق الثبيتي:
اخذتنا با مورقي في دين الاسلام
بعد لقينا خفها في جوف فمها
هذي السنة يازينها وازين من العام
واثرك تنهبها وتاكلها بدمها
ملفي المورقي:
تقول هذي عقب ما حققت الاحلام
لاكن رجلك لا يزلها ابها قدمها
هذي ثمينة والفرج قدام قدام
يامطلق اشرب دمها واشتو لحمها
مطلق:
ماني ما عود بعد ما سارن الاقدام
للقصة الي كل رجالاً فهمها
لا خير في الي ما يوفر مال الايتام
وان فتحت عين الرضا يمه لطمها
ملفي:
لا تذكر القصة بعد رفعن الاقلام
وان شفت لك فرصة مع الوقت اغتنمها
والطرقي الي ما حصله خبز وايدام
يرجع على بدواً تفلي في غنمها
مطلق:
لا عاد تقرب يالعتيبي محمل الشام
شيخ القبيلة حزمته دوبها حزمها
ان طعتني خلك مع المره ومع يام
والناس ما تتبع هوى رجل اً ضلمها
ملفي:
لا عاد تنسى يالثبيتي هاك الايام
الي الى وقتك هذا تطعم طعمها
بعض العرب خدّاع ولو صلى ولو صام
مسلم ويسجد مع اهل الغرب لصنمها
مطلق:
ماني مقابلي جزوراً طيرها حام
وانته مقابلها وتقنع من شحمها
يا ساري الضلمه بعد غرتك الوهام
وزعتك من هل الخملة عجمها
ملفي
وراك ما ترد اليمن ولا هل الشام
يوم انك شفت وجودها كنه عدمها
ترى الرضا ياهل المعرفة سيد الاحكام
مالك ومال الي ضنونه ما نهمها
مطلق:
اصبر شوي وتنتبه وتعض الابهام
من يقرب الحية يبا يروح نسمها
لقيت عنتر ناشله عشرين صدام
لو حطو الهضبة على دربها صدمها
ماعندنا غير ……….
والعزوة الي تحترمنا نحترمها