الثّبيتي يدفع الثّبتانِ مِع رِيع البِهَيته ..

 

حبيب العازمي :
الثّبيتي يدفع الثّبتانِ مِع رِيع البِهَيته
وقّفوني فـَ الطّريق اللّي يودّيني لـِ جِدّه

والكلام اللّي سمعته مِنهِ بِـعتِـه واشترَيته
فيه نِصّ اِمنَ العلاج وفيه نِصّ اِمنَ المودّه

 

مطلق الثبيتي:
الثّبيتي ما يباك اتضِيع مِع دربٍ مِشَيته
والقِـدَم مِع سِكَةٍ فيها المخاطِر لاَ تِـمِدّه

الكلام اللّي سِمِعته يوم دوّرته لِقَيته
ما دريت اِنّ العرب في كِلّ وقتٍ مِستِعدّه

 

حبيب :
يا ثبيتي لاَ تِهِدّ البيت عِقبِ اِنّك بَنَيته
جُوزِ مِن طرد المِقَفّي جِعل رَبّي ما يِرِدّه

انتِ مِن كِثر الزّعل لو تمسك الحرّ اشتِوَيتَه
ما نَبَـىٰ رِزقٍ وراكم يا عسىٰ رَبّي يِلِدّه

 

مطلق :
انتِ ما تدري عن القصّه وَلاَ عِلمٍ نويتَه
وِان فتحت الباب مِن يَمّي يجي رَجلٍ يِسِدّه

التّهامي مـَ التِفِت يَمّه وَلاَ فتّشتِ بيته
ما عَلَيّ اِمنَ التّهامي لو ذبح خاله وِجَدّه

 

حبيب :
اِن لِـقَيتَ الذّيبِ يا مطلق علىٰ دربي رِمَيته
خَلّ هاك السّيف يَدرِق في جِفيره لاَ تِحِدّه

التّهامي ما يبىٰ مدح العرب مِغنِيهِ صِيته
لاَ تِعِدّ اللّي يِجِيك اِبعِلمِ ثاني لاَ تِعِدّه

 

مطلق :
الكتاب اللّي كِتبته قبل خلق الله قَرَيته
قبل يِقرَا في عفيف وقبل يِقرَا في مِصِدّه

لا تِفِكّ الحبل بعد اِنّي علىٰ رِجلك لِوَيته
يا بعيرٍ كِلّ ما شَدّوا عليه يطيح شَدّه

 

حبيب :
يمكن اِنّك حافظه قبل امس واليومه نِسيته
والاوادم ما تِجَدّد واللّيالي مِستِجِدّه

اعرِفَ الباكور مَحنِي مير اَنا جيت وحنَيته
مير لاَ بِدّ الزّمان اِيدُور لاَ بِدّه لاَ بِدّه

 

مطلق :
وَيش اسوّي بعد ما طِعتَ العرب وَامري عصيته
يوم ضويّت البعير اللّي يِـعِـيبَ الوسمِ خَدّه

انتِ لو اِنّك تِرِد بـَ الغَرب تَـصدِر ما رِوَيته
وَاَحِلَيلك لو (سِدَحت) الرّاس كَبّرت المَخَدّه

 

حبيب :
والله اِنّي ما بغيت العِلمَ الاقصىٰ ما بغيته
مير يا راعي المِسَامه لاَ تِبَرّق فـَ الاَشِدّه

سالم الداوي

من دون قصره بمستور العصيمي والشواعير ..   الداوي: من

صياف

يامرحبا فـي حلةٍ تـكـرم الجـيـران و الضـيـف ..   مطلق

ميشع الروقي

يامرحبا بك يالثبيتي عدد همال المطر .   ميشع الروقي:

صياف

سلامي سلامٍ لِه البالِ مَسرور ..   مطلق الثبيتي :

طلق الهذيلي

مرحبا باللي حضر ترحيب في حلة عتيبه ..   مطلق

أحمد الناصر

أحمد الناصر : يا سلامي سلامٍ له جوابُ وسوالي عِدّ