يا حبيّب معانيك القديمه قديمه ..
مطلق الثبيتي:
يا حبيّب معانيك القديمه قديمه
واقبَلَ الخيرِ وايّامَ الشّقاوَه توَلّي
يجريَ الدّمّ في جوف القلوب السّليمه
والقلوب السّقيمه شوفها ما يسَلّي
حبيب العازمي :
القديمه عظيمه والجديده عظيمه
والثّبيتي محَلّه يومَ انا في محَلّي
يدخلَ الشّكّ في بعض العقول السّقيمه
وَاكثرَ الشّكّ ما ينقِص صلاة المصَلّي
مطلق :
ما نبى لِك خلافُ ولا نبى لِك ظليمه
ذبحِتِك ما تحِلّ وتركِتِك ما تحِلّي
لا تزعّم على الصّفّينٍ منته زعيمه
انتِ خِرجِ على جنبَ البعير اِمتِدلّي
حبيب :
كانِ ماني بهازم ما عَلَيّه هزيمه
وانتِ لِن تقدر شيّ فالوقتِ قِلّي
يا هَلَ السّيلِ ضيّعتوا ذخيرة حليمه
ما بقي عندكم غير البعيرَ المِفلّي
مطلق :
اَهِ يا بعدِ نجم اِسهيلِ وِاشدادِ ريمه
لو تحَوّل عليه الصّبحِ مِثلَ المِظلّي
انتِ سوّيتِ في نفسِك وفينا جريمه
كِلّ مِن شافِ وجهك قامِ دمعه يهِلّي
حبيب :
والله اِنّا عرفنا ما وراكم غنيمه
مُرّكُم ما يضِرُّ وحِلوِكُم ما يحَلّي
انتِ وِدّك تِشجّع ناقلِينَ النّميمه
مير ما عادِ في يمناكِ رَبطٍ وحَلّي
مطلق :
اِتبعَ اللّي لهم فالنّاسِ شِيمه وقيمه
ثمّ عوّد عليّه وِاستِرِح تحتِ ظِلّي
ما رِبح مِن يشِبّ النار جوف الهشيمه
ثمّ عَوّد يرحّب بالخبُولُ ويهَلّي
حبيب :
ما تبعناكِ يومِ اِنّ الضّوامي مِحيمه
واخِرَ الوقتِ رِجلِك يَمّنا لا تِزلّي
ما رِبح من كحلِ بالكحلِ عينٍ كريمه
العوَر والعَمى مِع سِكّتِه مِن يدِلّي
