العَينِ حَمرا على مطلق ومستور ..
حبيب العازمي:
العَينِ حَمرا على مطلق ومستور
والقلب من عَصرِ طار اِلّه طواري
لكنّ يالله تزيد النّورِ بالنّور
وِاِلْيَا بِدا النّورِ شافه كِلّ ساري
مطلق الثبيتي:
العَينِ حَمرا لكنّ الذّيب مخبور
ما يسريَ اَلاّ مع اللّيل الغداري
حَمّلتها يالعتيبي حَملة الجَور
تزرِق برمحك وتطعن بالشّباري
حبيب :
نبى نِقفّل مِجال العِمي والعُور
ونحِدّها بين بيّاعٍ وشاري
تبى تمِرّ السّنه وتلِفّ وِاِدّور
ما شِفتِ غيرك ولا دَوّرت غاري
مطلق :
العِمي والعُور لكِن جَا لِهم دَور
وِتشَيّل اِكتابِ مسلم والبخاري
ماني على صِحبة المِقفينِ مَجبور
وانته على صِحبة المِقفينِ ضاري
حبيب :
باللهِ وين الدّوا يوم انتِ دكتور
اليوم ما لِك رفيق اَلاّ المطاري
اِلْيَا (عَزمتَ الكلام اللّي على شَور)
تقدر تعامَل مع البنك التّجاري
مطلق :
اِلْيَا (تِقنّعتِ) جاك العِلمِ (مُزبور)
وِاِلْيَا (تَعَوَمَستِ) يجرِنّ الجواري
الثّور في غاربه ما يركب الكُور
الكُور يِخّر على جَنبه مواري
حبيب :
يا ثبيت ما عندكم جنّه ولا حُور
ما عندكم غير (….) في عواري
الثّور مَنحُور والثّوّار مَنحُور
انته تقوله وانا خابرك داري
مطلق :
الحُور في داركم يا رَجلِ غندور
اللّي عليها يهِبّنّ الذواري