سلام الله سلام حل في وقته ووقته حل …

 

حبيب العازمي:

سلام الله حل في وقته ووقته حل

ولو ما حل وقته كان ما جبته ولا قلته

انا اشوف الخيال يلوح برقه والمزون تحل

وثلث من الجبل مخطي وثلثينه مسيلته

 

مطلق الثبيتي:

هلا يا مرحبا ترحيبية مثل الزهر والفل

ووصلها رفيقي يوم قابلني وقابلته

دخيلك لا تعلم به هل المعزا وراع البل

ولو يسمع بها الضميات جتك البل شايلته

 

حبيب:

تراني خابر انك تعرف المخراج والمدخل

ليا منه وصلك العلم ترجمته وحللته

منول كل واحد يحسب انه راعي المنزل

لكن اليوم كلٍ يالثبيتي شاف منزلته

 

مطلق:

حبال العلم طالت مير لا تنقض ولا تفتل

وبعض الناس عيا يقبل القاضي معاملته

ليا ضيقت لك واحد من العتبان ضاق الكل

ولد عمك يطول الراس من طيبه وطايلته

 

حبيب:

انا كاتب وانا قاري وانا داري بما يحصل

وانا اللي كان شفت الرجل مخطي ما تحملته

تقوله يالثبيتي وانت لا ترضى ولا تزعل

تعالج مشكلة والحل باقي ما توصلته

 

مطلق:

ليا حصلت لي رجال مع قلبه كما المشعل

ولو انه طفى نوره قدحت الزند واشعلته

انا اعد الشهر باليوم وافرح لو هلاله هل

ولو عندي بصيرة جبتله …….. وطولته

 

حبيب:

ترا بعض الهروج العوج لا تطلع ولا تنزل

وحنا ما ندف الباب كان الباب قفلته

انا شايفك تضحك يوم شفت الناس اخذ وخل

وذا الحينة لقيت اللي تورسلك وتورسلته

 

مطلق:

ترا من طب جوف البحر ياحبي يبتل

ومن هو يجحد الامواج والامواج غاسلته

ليا كبرت هموم الرجل سلت كل حاله سل

ولو ان الليالي بيض والايام دلليته

 

حبيب:

زعل راع الشداد ونزل الحمله على المحمل

بعد جاته رجال هن شداد القوم حولته

 

جارالله السواط

يا سلامي على أهل الحفل واللي حضر به ..  

طلق الهذيلي

مرحبا في مرحبا باللي حضرنا من قبايل …   الثبيتي:

مستور العصيمي

سلامِ تسليمِ نقّاد …   مطلق الثبيتي: سلامِ تسليمِ نقّاد

شلوييح المطيري

سلام الله على من جابنا ذكره ومرسوله ..   الثبيتي:

صياف

صياف الحربي : يا مرحبا يا ضيوفٍ تِستحقّون التّراحيب اِنفَرّش

ابو مشعاب

يالله الليلة توفقنا على قلب الدليل ..   ابو مشعاب: