سلام يادار ٍ بها النخوه وتاريخ الجدود ..
مطلق الثبيتي:
سلام يادار ٍ بها النخوه وتاريخ الجدود
والشيخ جالس بين مقهاته ومبرك ناقته
يوم الليال الغبر مرسين الصوادر والورود
والربع أحد يمشي على جنبه وأحد مع ساقته
حبيب العازمي:
يامرحبا ترحيبة ٍ بالطيّبه ترقى سنود
والشيخ يقعد في محله مانجي في فاقته
يوم العلوم اعلوم حنا اللي حمينا إلك الحدود
وايقة ريع ٍ يالثبيتي والعرب ماواقته
مطلق الثبيتي:
اعلومكم هاك السنه مابين نقص وبين زود
صكيت باب البيت واعمسّنا الهوا مع طاقته
لاتعترض فالدرب ياجنّدي ومن عرض الجنود
الضابط المعروف مثل شعيل وأنت اعلاقته
حبيب العازمي:
أفعولنا وأعلومنا تقدح مثل قدح الزنود
والراس ماتصعب على بعض الرجال احلاقته
وش صار عقب الريح هز البيت من فوق العمود
يوم الثبيتي ساقها جات العرب مستاقته
مطلق الثبيتي:
أنتم سحابة صيف مافيها بروق ولا رعود
كم واحد ٍ مثلك ليا جينا تضيع لياقته
ياللي تشب النار حتى ولعت في كل عود
رجليك فيها القيد وأم الحلق في خناقته
حبيب العازمي:
حنا سحابه خيّلت وأنتم من المغرب رقود
وأطيبكم اللي ما رمى الطربوش في علاقته
ياللي تشب النار فوق القرص لين أنه يجود
وإن كان ماسدك هذا أجي وأسد أغلاقته
