مطلق الثبيتي:
يا زيد مانت شيخ للعتبان ومطير
لا تحسبنك شيخ مثلي وانت راعي
عشرين شاعر كيف ينصون الطوابير
ماهم بشيٍّ فالهجوم وفالدفاعي
زيد العضيلة:
اليا سلم راسي من صدوف المقادير
والله لا سفرك فالنقل الجماعي
حنا ندوّر خير ما شفنا لكم خير
الا بخلفه لا تسام ولا تباعي
الثبيتي:
يا قشر راع البيت لو زاره مسايير
تعبان ما بين اليتاما والجياعي
يبا يطول العلم وتطول المشاوير
حدِّيت سيفي للثنيه والرباعي
زيد:
يا مدور الجمه تحرك في جما البير
واضن فالدنيا تعشاك الضباعي
حنا زعلنا يوم ترقص مع هل الزير
وتقوم الصاحين وتناد الوجاعى
الثبيتي:
الخلفه اللي ما تدرّ وما بها خير
عنها يكفيني حليب من المراعي
احلوقكم يا ربعنا مثل المواطير
لكن ما أنتم لا حروب ولا سباعي
زيد:الشجرة اللي ما عليها الا عصافير
بكره بيقطع عرقها رجلٍ شجاعي
حنا نشوفك يا بحر فوقك بوابير
مير ابعد البابور مطويّ بالشراعى
الثبيتي:
يا قشر حظك لو نبت لك ريش يا طير
تبى تضيق من المهاديب الوساعي
حنا ذهب صافي وبعض الناس قصدير
ياللي تطوّل فالنقاش وفالنزاعي
زيد:
ان قامت الدنيا يكون ابها المعاذير
صون الوداعه لا تعرّضها الضّياعي
أنتم ذهب صافي وفيكم من ذهب غير
وانا اعرف الخدَّاع من كثر الخداعي
…
